Gam khat peuh in Gam Lapi neih ciat aa, ahizongin minam khempeuh in minam Lapi nei khinlo uh hi. Tua a neihlo te sungah Zomite zong tuni ciang dong Zomi Zogam Lapi ih neihloh hangin minam La zah khat in hoih kasak pawlkhat te kong suaksak hi.
Zola
A. Ei teng khawlkhawm a tuam omlo, Zomi ci peuh, Khula piang
Tuunsung khat pan piang hi ngeingei e
B. Tunsung khata piang hi ngeingei
Suahpih sanggam, Laigui zomkhawm (te hi ngeingei ee)2
Hih a tunga la pen Zomiten pawi khat neihleng Laamna tawh zong ki gualnuam thei mahmah hi. Tuunsung khat pan a piang hi ngeingei hang ee ih ci tangtang hi.
TUNSUNG KHAT PAN
( Phuak: T.S.Khai, Sa: Zomi Lasiamte)
Sakmi khangmi kikhen loin
Mimbang pianna Ciimtui vangkhua
I heina pianin dang zong leh
Sinlai pai tembang kuah ciat ve ni
Ziin in khen maw! Sianmang khen maw!
Sinlai ah na sa'ng e
Gibang khen zong lungah kingilh kei ni
Tunsung khat pan piang hi ngeingei hang e
Sinthu tuibang luangkhawm den ni
Zogam Tunnu paal lawh nading
Cik ciang mel in kong mu thei diam
Tunnu aw mubang hong ngai ung e
Sinthu tuibang luangkhawm den ding
Kawlgam Vaigam gibang khen zong
Tu in tuibang gawmlo mah leng
Zogamah tuibang kigawm nawn ding
Ka sinlai kuai Taang ka lungtup
Heisabang hong paal ding hi ta
Singta lungdeih Zogam zaang Ni
Lenmualah hong suak cialcial ta e
Hih a tunga la pen http://www.youtube.com/watch?v=3oACsg92_-Esung panin a aw mahmah tawh zong ki ngai tawntung thei ding hi. Hih la pen hoih kisa in ih deihkim ciat aa, a thu a la zong kicing ka sa mahmah hi.
ZOGAM Aw
( Phuak/Sa: Thawn Kham)
Zogam tuan pupa luahna gam,
Zogam khangsawnte luahna gam;
Zogam mualdawn lenmui kai ee,
Neisok pak san silsial;
Zogam ton leh lamna Zogam,
Zogam gal leh sa aihna gam;
Zogam ningzu khuaizu bang khum,
Lenkhuang tawi zaila awi;
Pu leh pa lenna gam.
Kawlgam Vaigam ka zin zongin,
Kawl ann ne, mang innsung ka om zongin;
Zogam Zo inn mah lunggulh ing,
Zo ngeina mah deih ing;
Zogam zalmang in hong man ing,
Zogam mu bang ken hong ngai veng,
Itna damtui a luanna gam,
Beh leh phung tenna gam;
U leh nau kicin na.
Zogam aw ken hong taisan kei ning,
Zogam aw na kha nuai hong sel aw;
Ka lamkiatna, ka lungtang phum nang Zogam,
Kong it hi Zogam aw.
Zogam miten hong neu et in,
Zogam na miten hong taisan maw;
Zogam gilkial dangtak in thuum,
khutzep in en ding maw.
Zogam ton leh laam hong lak in,
Zogam na zaila hong awi ve;
Zogam na ningzu hong lup in,
Na ngeina a luite,
Ko hong lakkik dih aw.
Zogam Zomi khantoh nading,
Pilna siamna leh neih leh lam;
Lungsim pumpi khua-ul sisan,
Piakkhiatna tawh sem ni;
Kawlgam vaigam a Zomite,
A nei a lam Zomi te’n
Mualdawn Zomite kahna aw,
Nu leh pa tauna aw,
Hong huh hong ciah un ci.
Hih a tunga la pen a aw, a lim mahmah tawh zong muhtheih sintheih dingin http://www.youtube.com/watch?v=h7L-zCLovKE&feature=mfu_in_order&list=UL hoih kisa kim ciat aa, Thawn Kham bang gamdang a paisim in sa ngeungeu aa mipi numei naupang na lengin zong a sak pihtheih la hoih mahmah khat ahihi.
Tuun Sung Khat
(Phuak: Zogam Lal Pu, Sa: Nu Zen leh a pawlte)
Tuun sung khat piang Ciimnuai tate
Kawlgam Vaigam sim leh mal ah,
Gibang khen in, Laizom mehma, Ih suak khinta...
Singdang phunglian liimbang beel in, Na minam na ngeina theilo
Na Topa zong phawk nawnlo in, Albang mang liang ding maw
Lung laulo aw zogam lei aw, sawt nawllo ding
Sian in lungbang hong sung ding aa, Ni hong taang ding,
Ang bang kong itna kah na luankhi malbang kong kohna ka zaila valeng in la ka laizom teeng
hambang va huai dih aw
Tuun sung khat piang Ciimnuai tate
Kawlga Vaigam sim leh mal ah,
Gibang khenin gingta lai ah Saltaang khin ta..
Khang theilo ni, tai khua val ta,
Tuibang gawmni laizom teng aw
Gual eng ding lel dia, , mimbang aa piang,
Sian laitan lah hilo aa
Hih a tunga la zong http://www.youtube.com/watch?v=7s3RD1wL-ZY&feature=mfu_in_order&list=UL sungah a limtawh a aw tawh ki mu pah hi.
A tawpna ah hihtenglo La tampi ahoih om lai ding hi. Ahizongin hihteng pen mi kimin ki deih sa pen ing. A hangin Zomiten Ni thupi khat ih neih ciangin ki limzat penpen ahih manin mipi lungsim hong bunpen suak hi. Tua ahih manin mipi in ih zatzat khat pen Zomi Zogam Lapi cihtheih hizaw vive hi. A tawntungin ki tamsak pen ahih manin mipi deihmah suak dingin ka ngaihsut sak hi.
Thawn Tuang
Zomi Angvaan
http://zomi-angvaan.blogspot.com
6 Jan 2012
Zola
A. Ei teng khawlkhawm a tuam omlo, Zomi ci peuh, Khula piang
Tuunsung khat pan piang hi ngeingei e
B. Tunsung khata piang hi ngeingei
Suahpih sanggam, Laigui zomkhawm (te hi ngeingei ee)2
Hih a tunga la pen Zomiten pawi khat neihleng Laamna tawh zong ki gualnuam thei mahmah hi. Tuunsung khat pan a piang hi ngeingei hang ee ih ci tangtang hi.
TUNSUNG KHAT PAN
( Phuak: T.S.Khai, Sa: Zomi Lasiamte)
Sakmi khangmi kikhen loin
Mimbang pianna Ciimtui vangkhua
I heina pianin dang zong leh
Sinlai pai tembang kuah ciat ve ni
Ziin in khen maw! Sianmang khen maw!
Sinlai ah na sa'ng e
Gibang khen zong lungah kingilh kei ni
Tunsung khat pan piang hi ngeingei hang e
Sinthu tuibang luangkhawm den ni
Zogam Tunnu paal lawh nading
Cik ciang mel in kong mu thei diam
Tunnu aw mubang hong ngai ung e
Sinthu tuibang luangkhawm den ding
Kawlgam Vaigam gibang khen zong
Tu in tuibang gawmlo mah leng
Zogamah tuibang kigawm nawn ding
Ka sinlai kuai Taang ka lungtup
Heisabang hong paal ding hi ta
Singta lungdeih Zogam zaang Ni
Lenmualah hong suak cialcial ta e
Hih a tunga la pen http://www.youtube.com/watch?v=3oACsg92_-Esung panin a aw mahmah tawh zong ki ngai tawntung thei ding hi. Hih la pen hoih kisa in ih deihkim ciat aa, a thu a la zong kicing ka sa mahmah hi.
ZOGAM Aw
( Phuak/Sa: Thawn Kham)
Zogam tuan pupa luahna gam,
Zogam khangsawnte luahna gam;
Zogam mualdawn lenmui kai ee,
Neisok pak san silsial;
Zogam ton leh lamna Zogam,
Zogam gal leh sa aihna gam;
Zogam ningzu khuaizu bang khum,
Lenkhuang tawi zaila awi;
Pu leh pa lenna gam.
Kawlgam Vaigam ka zin zongin,
Kawl ann ne, mang innsung ka om zongin;
Zogam Zo inn mah lunggulh ing,
Zo ngeina mah deih ing;
Zogam zalmang in hong man ing,
Zogam mu bang ken hong ngai veng,
Itna damtui a luanna gam,
Beh leh phung tenna gam;
U leh nau kicin na.
Zogam aw ken hong taisan kei ning,
Zogam aw na kha nuai hong sel aw;
Ka lamkiatna, ka lungtang phum nang Zogam,
Kong it hi Zogam aw.
Zogam miten hong neu et in,
Zogam na miten hong taisan maw;
Zogam gilkial dangtak in thuum,
khutzep in en ding maw.
Zogam ton leh laam hong lak in,
Zogam na zaila hong awi ve;
Zogam na ningzu hong lup in,
Na ngeina a luite,
Ko hong lakkik dih aw.
Zogam Zomi khantoh nading,
Pilna siamna leh neih leh lam;
Lungsim pumpi khua-ul sisan,
Piakkhiatna tawh sem ni;
Kawlgam vaigam a Zomite,
A nei a lam Zomi te’n
Mualdawn Zomite kahna aw,
Nu leh pa tauna aw,
Hong huh hong ciah un ci.
Hih a tunga la pen a aw, a lim mahmah tawh zong muhtheih sintheih dingin http://www.youtube.com/watch?v=h7L-zCLovKE&feature=mfu_in_order&list=UL hoih kisa kim ciat aa, Thawn Kham bang gamdang a paisim in sa ngeungeu aa mipi numei naupang na lengin zong a sak pihtheih la hoih mahmah khat ahihi.
Tuun Sung Khat
(Phuak: Zogam Lal Pu, Sa: Nu Zen leh a pawlte)
Tuun sung khat piang Ciimnuai tate
Kawlgam Vaigam sim leh mal ah,
Gibang khen in, Laizom mehma, Ih suak khinta...
Singdang phunglian liimbang beel in, Na minam na ngeina theilo
Na Topa zong phawk nawnlo in, Albang mang liang ding maw
Lung laulo aw zogam lei aw, sawt nawllo ding
Sian in lungbang hong sung ding aa, Ni hong taang ding,
Ang bang kong itna kah na luankhi malbang kong kohna ka zaila valeng in la ka laizom teeng
hambang va huai dih aw
Tuun sung khat piang Ciimnuai tate
Kawlga Vaigam sim leh mal ah,
Gibang khenin gingta lai ah Saltaang khin ta..
Khang theilo ni, tai khua val ta,
Tuibang gawmni laizom teng aw
Gual eng ding lel dia, , mimbang aa piang,
Sian laitan lah hilo aa
Hih a tunga la zong http://www.youtube.com/watch?v=7s3RD1wL-ZY&feature=mfu_in_order&list=UL sungah a limtawh a aw tawh ki mu pah hi.
A tawpna ah hihtenglo La tampi ahoih om lai ding hi. Ahizongin hihteng pen mi kimin ki deih sa pen ing. A hangin Zomiten Ni thupi khat ih neih ciangin ki limzat penpen ahih manin mipi lungsim hong bunpen suak hi. Tua ahih manin mipi in ih zatzat khat pen Zomi Zogam Lapi cihtheih hizaw vive hi. A tawntungin ki tamsak pen ahih manin mipi deihmah suak dingin ka ngaihsut sak hi.
Thawn Tuang
Zomi Angvaan
http://zomi-angvaan.blogspot.com
6 Jan 2012
0 Comments
Nong simsak manin lungdam mahmah ing.