Mi Nuamsa Ih Cihte

Leitung neihleh lam aneih tampi pen minuamsa in ih ngaihsun hi. Gamdang leh Zogam lo peuhmah ah nopsakna leh minuamsa ki ngah theilo ding kisa hi. A taktak in Zogam leitang bek ah thawntuangMi Nuamsa hihna bucing pen hi.

Zomisungah ki pawlna lianpipi a pankhiat te cihbang, maikai tuamtuam te cihbang pen Mi Nuamsa te ihsak hun om peuhmah hi. A ngaihsutna uh adim luat ciangin ki pawlna hong ding khia aa, maikai hong ngah uh aa lungnuam tuamlo ding in ka lem-en hi. Tualeh bang hang zogam ah nopsakna om cithei ka hiam cihleh;-

* Migilote' thu a zuilo mi
* Mimawhte' gamtat bangin a gamtalo mi,
* Mi a thusim lote tawh a kipawllo mi ahi hi.

Ama nopsakna pen Topa thu sung bek mah hi a, sun leh zanin ama thu a ngaihsunsun mi ahi hi (Late 1:1-2). Hih bang nopsakna pen mundang gamdang ah ki cing zo taktak lo na hi zawhi. Pasian don manlo tampi ih om hi. Thupha ih ngah ma, gamdang ih tun ma Pasian thu ih hat mahmah aa ahizongin Zogam leitang ih nusia ciangin Pasian tawh vai ih tonnawn kei hi. Tua manin Zogam ah nopsakna tak kicing bek hi. Ahi zongin gamdang tu hun ciangin Pasian hehpihna tawh ki dim in aom na peuh ah a ma thu sun le zan in a ngaihsunsun mi tamta hi. Khangto semsem hi.

Zomi zogam aa tengte pen hauhna leh neihleh lam hipha lo aa, nekding dawng ding kicing ta keileh Pasian thusung ah nuamsa ahih manin amaute pen:

* Amah pen lui tuiluang gei-a a kisuan ama gah hunin gah a, a teh a vul ngeilo singkung tawh kibang hi. Ama hihna khempeuhah a ma pai mahmah hi. (Late 1:3)

Zogam a nusia tampi tak pen, leitungah lauh aneih hetlo kekdan in hong om uh aa tua mite pen:

* Migilote ahih leh tua bang hilo uh a, huih in a letkhiat anvai tawh kibang lel uh hi. Tua ahih ciangin migilote in thukhenna thuak zolo ding uh a, mimawhte pen midikte' pawl sungah kihel theilo ding uh hi; (Late 1:4-5)

Bang hangin hih bang ngaihsutna leh phatna om mawk hiamcih leh leitung mun citeng ah hih bang mite na om den tawntung hi. Tua mite Pasian in a khenna khat na neih aa,

* bang hang hiam cih leh Topa in midikte lam lakin hu tawntung a, migilote ahih leh sia maimang ding uh hi. (Late 1:6)

Lai Siangtho a bu in sim tangtang ding haksa tampi te in hih mun ih sim ding ka deih manin hong suah khia ka hihi.

Thawn Tuang
Zomi Angvaan
http://www.zomidaily.com/article/article-zolai/3167-mi-nuamsa-ih-cihte