Thupha a gamla pi pan hong pai zenzen lo hi.
Pu Dahpa in Khuang khat neih a, “a deih bangbang pulak, ngenleh ngah ziauziau hi”, cih sang laisin na ah i sin khangei hi. A Khuang neihpen Ni taangah sawt pholua ahih manin, sauvei thudonlo ahi manin, Ni in a Khuang na laksak hi, ki ci hi. A Khuang atawntung in acidam dingin a ngaihsun khatam. Thupha ih ngahna a bulpi Tuun le Zua a tawntungin hong cidam dingin ih ngaihsun kha hiam?
Pu Dahpa in a deih bangbang ngah aiteh mite lak khawngah ki phat sakpih in, angahna ngaihsun khalo in, manggilh mai thei hi. Ama thahatna tawh a ngah sa kha maitheih hi. Thupha ih ngah ciangin ei thagum hatna tawh a ngah kisa kha thei hi. Tuapen khilhna lianpi khat hi. Tua bang ngaihsutna aneihte in ki phatsakpih lualiang leuleu a, sanggam nu le pa te awlmawh nawnlo uhhi. Kuamah thu donlo uh hi. A papai hi ta....
Zomite zong Thupha i ngah ciangin, i ngahna a nak, a bulpi Nu le Pate’ ki manggilh kha pahpah hi. Nu le pa sauvei ki awlmawh khalo, ki kin khalo ahih manin nu le pa te na khasia in i hauhna, thupha i ngahnate sauvei a khom ki tamlo hi. Lengtong Pauno in, “A sihteh puanbu na kengsakzo keizong, a nuntak laiteng lung kimsak den in,” na ci hi. Lung kimsak ding cihpen Zomite lungsim ah thuhaksa namkhat in ih ngaihsun kha hiam?
Thupha hong piapa leh a ngahpa koi ‘thuman’ zawding, hihzong i deihna ki bang lo ding hi. Hong piapa thuman zaw maw, a ngahpa thumanzaw cihbangin thunih om hi.
Up mawhloh pipi in, na ang ah a lum ding mel hoih mahmah liapaal/tangpa a ngah khavat na hi tuan keihi. Nang thupha tawh na lawhtaak ding na mu naikei ding hi. Ih pianna Tuun le Zua vangtawh thupha limci tampi a ngah hizaw khading hi hang. Gamdang tungin nu le pa khua ngaisak, khitui luangsak tampi om kha ni, a lungkimsak zong tampi om kha ni. Ih nuntakna hong kepsak Pasian in na nuntakna a bulpi na theitel ding hong deihsak hi. Tuun le Zua it masa lo in midang it ding ngaihsun kha kei in. Tuun le Zua itna in midangte it theihna ding a patna, anak ahihi.
Nu le pa maipha a ngah mi a sepna khat peuh ah miten neu et theilo uh hi. Tuabang mite pen Thupha a ngahna ki mu thei hamtang hi.
Tua banah i kalsuanna khekap pen i nung lam en kik leng ki mu pan hi. Thupha na ngahna ahang pen abeisa in hong it tuun le zua in ei te adingin Pasian kiangah thu hong ngetsakna hanghi cih i phawk ding hoih ka sa hi. Ni simin i mai ading lampi a sial kholkhol i hih manin, i nung thute phawk kawm in hangsan tak in zom paisuak ni.
Tuun le Zua agam la pi ah om lo aa, Thupha ih cihzong a gamla pipan hong pai masa lo hi.
Itna leh deihsakna tawh
Thawn Tuang
Zomi Angvaan
22 Sept 2011
Pu Dahpa in Khuang khat neih a, “a deih bangbang pulak, ngenleh ngah ziauziau hi”, cih sang laisin na ah i sin khangei hi. A Khuang neihpen Ni taangah sawt pholua ahih manin, sauvei thudonlo ahi manin, Ni in a Khuang na laksak hi, ki ci hi. A Khuang atawntung in acidam dingin a ngaihsun khatam. Thupha ih ngahna a bulpi Tuun le Zua a tawntungin hong cidam dingin ih ngaihsun kha hiam?
Pu Dahpa in a deih bangbang ngah aiteh mite lak khawngah ki phat sakpih in, angahna ngaihsun khalo in, manggilh mai thei hi. Ama thahatna tawh a ngah sa kha maitheih hi. Thupha ih ngah ciangin ei thagum hatna tawh a ngah kisa kha thei hi. Tuapen khilhna lianpi khat hi. Tua bang ngaihsutna aneihte in ki phatsakpih lualiang leuleu a, sanggam nu le pa te awlmawh nawnlo uhhi. Kuamah thu donlo uh hi. A papai hi ta....
Zomite zong Thupha i ngah ciangin, i ngahna a nak, a bulpi Nu le Pate’ ki manggilh kha pahpah hi. Nu le pa sauvei ki awlmawh khalo, ki kin khalo ahih manin nu le pa te na khasia in i hauhna, thupha i ngahnate sauvei a khom ki tamlo hi. Lengtong Pauno in, “A sihteh puanbu na kengsakzo keizong, a nuntak laiteng lung kimsak den in,” na ci hi. Lung kimsak ding cihpen Zomite lungsim ah thuhaksa namkhat in ih ngaihsun kha hiam?
Thupha hong piapa leh a ngahpa koi ‘thuman’ zawding, hihzong i deihna ki bang lo ding hi. Hong piapa thuman zaw maw, a ngahpa thumanzaw cihbangin thunih om hi.
Up mawhloh pipi in, na ang ah a lum ding mel hoih mahmah liapaal/tangpa a ngah khavat na hi tuan keihi. Nang thupha tawh na lawhtaak ding na mu naikei ding hi. Ih pianna Tuun le Zua vangtawh thupha limci tampi a ngah hizaw khading hi hang. Gamdang tungin nu le pa khua ngaisak, khitui luangsak tampi om kha ni, a lungkimsak zong tampi om kha ni. Ih nuntakna hong kepsak Pasian in na nuntakna a bulpi na theitel ding hong deihsak hi. Tuun le Zua it masa lo in midang it ding ngaihsun kha kei in. Tuun le Zua itna in midangte it theihna ding a patna, anak ahihi.
Nu le pa maipha a ngah mi a sepna khat peuh ah miten neu et theilo uh hi. Tuabang mite pen Thupha a ngahna ki mu thei hamtang hi.
Tua banah i kalsuanna khekap pen i nung lam en kik leng ki mu pan hi. Thupha na ngahna ahang pen abeisa in hong it tuun le zua in ei te adingin Pasian kiangah thu hong ngetsakna hanghi cih i phawk ding hoih ka sa hi. Ni simin i mai ading lampi a sial kholkhol i hih manin, i nung thute phawk kawm in hangsan tak in zom paisuak ni.
Tuun le Zua agam la pi ah om lo aa, Thupha ih cihzong a gamla pipan hong pai masa lo hi.
Itna leh deihsakna tawh
Thawn Tuang
Zomi Angvaan
22 Sept 2011
0 Comments
Nong simsak manin lungdam mahmah ing.