Zomite paunak sungah, " Deklam Tuktum zong Gal suak thei", kici pen a khiatna hong gen behlai uh aa, " ih Muan pen zong Gal suak thei", cih tawh hong let khiat uh hi. Ih muanlohpi khat gal in hong om mawklo ding dan hi. Ih muan pen khat gal in hong suaktawm thei ahih manin mipi te ki dawmni ki gingkhol mahmah ni cihna hi. Hih pen Zomi mipil madawn ten ih minam paunak in a zatzat uh tuni dongin ih zangzang hi.
Kua mite muang na hiam? Kua mite thudong na hiam?
Zomi sungah mi masa te leh pilna neimasa a madawkte ki muangin ki zahtak hi. Thu ki dong hi. Ih ki pawlna makaite zong ih muan ih suan te mah ahi uh hi. Ih pawlpi makai, ih khua makai..cihte a ki pan ih muan ih suante ahi uh hi. Muan leh suan' in hong om uh ahih manin a minam pihten a sihdongun minam leh gam adingin lungkimna khamuanna hong hih zawhna dingin mipite lam-etna lianpi ahihi.
USA gam kumpi te mipite ten muan leh suan in neih uh aa zahtak takpi uh hi. Muan leh suan kumpite ahih manin kumpi thak asem peuh mah in a masa kumpite thukhun bangin gamta uhhi. Tuni dongin kumpi ten mipi lungkham lungvaihna ding pialo uh ahih manin muan leh suan mite hong suak uh hi. A mimal tangthu mahmah uhzong a sih khit zawh nungah tul theilo in thak suah semsem hi. A sih dongin mipite khangthakte khitui luang saklo in lung muanna, lungkimna dingin mapang suak uhhi. Sih kuankuan in mite lung khamna pialo dahsaklo uhhi. USA gam ah minam tampi om aa, a citawm, a citam mivom mikang cihtawh ki deidanna om nawnlo in minam khat peuh acitawm manin no minam omkei, za ngei kei ung cihsak sese lo uhhi.
Ih muan pen zong Gal suak thei a kici pen kua mite ih Gal suak hiam?
Ih muan pen zong Gal suak thei kici aiteh ih muanloh pi gal suak mawkmawklo dan hih tuak pah hi. Ih muanpen te mah Gal in hong ki pia tawmthei cihna suak hi. Bang hang hiam cihleh ih muan khat pen a nung ciangin ih Gal suak thei vive hi cihna hi.
A khiatna khat in genbeh leng: Ih muan leh suan mite a sih dongun muan suak taktak kei un, a sih khit zawh uhteh a muanhuai zia, a zahtaak huai zia ki telcian pan ding hi cihna hong suak hi. Hong gal bawl kik thei vive ahih manin ki ging khol ciat unla, thu khempeuh ah muang suak pah nai kei unla a gah Khaicii bang hiam cih en cian masa phot ni aci ahihi. Ih pu ih pa te zong thukhual sa ngiat ing.
Nang pilna, nang theihna tan ciang tawh minam hong din khawlleh na lung a kim takpi diam? Gentehna in: Tan 10 ciang azo na hihleh na minam sungah Tan 10 ciang azo hong om nawn keileh na lung a kimtakpi diam? Tan 10 ciang nang khangin zo na hih manin na tate khangah B.A zo hong om leh zahtaak baang zolo ding na hiam? Na khanggui limcii zawlo ding hiam? Na thu a namtui ding na ut zaw hiam? Na thu a namsia ding ut kik na hiam?
Ih Muan pen zong Gal suak thei, Thu namtui khat zong Thu namsia suak thei vive. Minam it ing ee, it takpi ing ee a kici khat na theih nopleh a Thuh khaicii en in. A inn ah va pai inla, a tate, a tute va etsak in. A minam leh ngeina, kampau leh lai a thei, a zuikha uh hiam? Minam it takpi, vei takpi khangthakte sungah nang tawh ki bangin om thamtham ding hi. Tuate a khitui uh a luang sak nuam ihih loh ding thupi hi. Khitui a luangsak mi utzaw maw, A nul khiat khat mi ut zaw. Mite muan leh suan utzaw maw, mite Gal utzaw...
Na minam pih uh..
Thawn Tuang
Zomi Angvaan
Sept 18,2014
1 Comments
ReplyDeletemipil masa thuthei masa te zahtak cih tawh kisai in.
bang hang zomi ten cool kzm eknam liang a sim mawh gensia ih hiam? zah tak lo hihang.
hi bang lai a at te na pa ih hiam? Cool KZM ziak in Zomi te ki angtang bekthamlo in..Pilna ham phat na mit vak na ngah hi n pi hang a.
Nong simsak manin lungdam mahmah ing.