Lungkim nang, Thalak nang khat bek om

Zeisu’ Min Manpha Na La In cih a phuak  Lydia Baxter  pen khan tawn  phial lupna ngaka dam lo ahih hangin, a hih zawh tanin Pasian nasepna  ah a hahkat mahmah mi ahi hi. America gam Petersburg, New York ah  September 8, 1809 ni-in suak hi. A khangno lai mah-in  piang thak hi.  Hih la tung tawnin a thubul let Kolose 3:17 Na kampauna, na gamtatnate  khempeuh uhah, Topa Jesuh hangin Pa Pasian tungah lungdam kohna-in Jesuh min paulamin na hih ding uh hi.   Nuntak Thak sung Gamtatzia

Damlo lupna tung ngakden hi mahleh ama kiangah a pai mi khempeuh in  amah hehnep nading leh thapiak nading  sangin ama’ tung pan tha thak  lak nading veve in neihzaw uhhi cihi.

Dam het lo napi-a bang hangin lungdam thei veve hiam cih a kidot  ciangin, “Ke’n galvan tuamdang khat nei hi ve’ng, Zeisu’ min ai ve. I  galpa in i lungkiat theih nadinga hong ze-et ciang Zeisu’ min ka lawh  ziau teh hong neh thei nawn lo hi. Zeisu’ min a khiatna ‘Honpa’ a
cihna hi a, Hebrew min Joshua leh Joash-te tawh a kammal bul kibang  ahi ve” ci-in gen thei zel hi(by.Sia Zam Khat Kham gelhna panin  tomlak).


Bangbang hileh Zeisu a muang taktakte haksana sungah aom zongun  lungkim thei veve uhhi. Ze-etna a tuaklo mihing ki omlo ding hi.  Thanemna lungneuna khat teitei a neilo mihing omlo ding hi. Tuate  khempeuh Zeisu in hong puakpihzo lua hi. Amah in hong dompih zo bek  hilo in i manggilh zah dongin hong thadimsak thei hi. Zeisu sung bek  mah ah lungnopna bucing om thei bek hi. Zeisu a um taktak ten thanemna  ding tampi phukha mahleh Zeisu kiang panin thala kik in lungkim thei  uhhi. Ka thangah hong sung khia zel ing.


Thawn Tuang
Nasville, TN USA
May 31,2015
Ka laigelh khempeuh>>www.zomi-angvaan.blogspot.com