Dec 3,2015 in Nashville TN USA mun khat ka tanu tawh ka pai uhleh Christmas card ki zuak ka enen uhhi. Tuate ka etleh Thupha ki piakna leh lungnopna ding vive tomnono in ki gelh hi. Tua tung tawnin Christmas Card hong pian khiatna thu gelh ding ka lungsim ah hong om hi.
Christmas Card amasa pen 1843 kumin England gamah na kibawl uh hi. Laidal asah khat tungah innkuan khat in ankuang a umkhopna lim a kisuai tuang sak uh a, innkuan mante nuai ah “ A Merry Christmas and a Happy New Year to You,”ci-in lai kigelh hi. 1843 kum Lungdambawl madeuh in London khuapi sungah tua card copy 1,000 kizuak khia hi. Tua-a ki panin English te in Christmas tawh kisai lim tuamtuamte card tungah suai uh a, khat le khat kikhak kawikawi uhhi.
A card kikhakte uh lim kisuai bek hi lo in Christmas hanga mihingte ngah hamphatnate leh deihsakna lai gualkhat gualnih gelh hamtang uh hi. Lungdambawl kuan ciang a hih bang a card kikhakna pen nasep hoih khat hong suak a, a sawt loin English kampau kizatna gamte bek hilo Zogam Zomi te kiangah hong lawhzo mawk uhhi. Thuhoih khat ahih nakleh leitungah ki zangh nuam mahmah khat ahihi. Lungdam.
Thawn Tuang
Nashville TN USA
Dec 5,2015
0 Comments
Nong simsak manin lungdam mahmah ing.