Zomi tenpen piansakna i sut ciangin Khang Gui Sut nang' in i kan hi. Lai Siangtho in piansakna asut ciangin i sepding leh i bawl ding vaipuak hong pia hi. Hihte gelpen ki bang phamel lo hi. Abraham in Khang Gui a sut ciangin Adam panin na panlo hi. Zomi te in Khang Gui i sut ciangin Pu Zo panin ki sut ding maw, Pu Songthu panin ki sut ding cihtawh ki lung khak mahmah hi. Kei ngaihsutna leh ki muhdan tawh Khang Gui Sut Dan ding kong pulak nuam hi.
BC 1027 kum in Zo Kumpi gam ki phut hiding hi ci-in Zo tangthu kanten a upmawh thu uh na gen hi. Sengam laizang Kul panin Zomi te ki piang khia hiding hi cihzong upmawh mah hito zel hi. A manpen leh a dik pen ding imuh om nailo hi. Thukan mi khat peuhpeuh in a ki hopih te tungtawn bek mah panin thu za uh hi. Zo tangthu kanten Sen gam laizang dong na paikha ngei hi ding hi. Tuahangin Sengam aa Zomi te tawh i tat leh ki ngeina tampi a kibang pawlkhat hong mu khia thei uh hi. Ahizongin thukan ten leitungbup hong tuancillo uh ahih manin piansakna pen I Ngeina kibang teng Zomi tetawh ki nai hihang icih pen Ngeina tawmtawm ki bang kaikhawm hileng Leitung ah i kibat pih simsim tampi om lai kha in ka lamen hi.
Khang Gui bang cih I sut dia leh Pu Zo pan sut ciat ding maw, Pu Songthu pan sut ciat ding. A sau theihtheih in panni cileng pen-
Adam..., Abraham..., Pu Zo...., Pu Song.., Pu Guite, Pu Sukte, Pu Hauzel, Pu Thawmte, Pu Suante cihbang I beh I beh tek man kik mai in nidang ciang hunsaupi hong paito leuleu leh Pu Adam.., Pu Zo.., Pu Song.., Pu Guite...( Thangpau),.....Pu Sukte....(Thangpu), …..cihbangin a kallak I theihphat lohte halbawl mai in ki omto kha dingin lamen mai ing. Tu hun ciangin khangthu a sut ki om tangtang nawn mello mawk hi. Ki hing mang dekdek ta aci zong tampi omta hi. Ahizongin khua hun paizia leh leitung khuasak zia hito ta mai hi.
Nidang lai in Ni leh Kha cihbang I pu I pa ten na bia tangtang uh hi. Tu hun ciangin Topa, Pasian, Jesus cihbangin enzong Pasian minsapna neihto aa I bia ngekngek hi. Tualeh nidang aa a biak uh pasian min adapsak ahi Ni Gui ( Ni bia uh ahih manin mindap sak), tuhun ciangin Pasian ki bia in Sian Cin Thang cihbang min kidapsak, Jesus zong a dapsak omta Je min Thang cih bangin Khang Gui sese min kidap saknawnlo aa I biak khat peuhpeuh kidapsak ta hi. Ni dang ciangin leitung khua hun in hong zo to semsem ding aa I nu leh pa cihbang min ki dapsak tangtang nawn lo ding aa ei min leh I zi min peuh la hiam, ei ut khat peuh pia hiam cihbangin hun hong paito lai ding hi.
A tawpna ah Mizo ten ahoih khempeuh amau ki pia aa, a hoihlo khempeuh midang piaktuam neihlo uh hi, Zomi ten a hoih khempeuh mi ki piatawm mai in, ahoihlo khempeuh ei kileh piak zawsawp hi hang. Pasian thu I zuih leh I up nungsang' a hoih khempeuh ei lam ah kaihmang khit ding a hi aa ka pu Abraham hi cih in gen tangtang mai in, khanggui I sut ciangin zong Abraham pan in sut tangtang maileng ka ut ta mai hi. Abraham suak leh khak Zomi te I hihi. Abraham beh leh phung te Zomite i hihi.
Kei ngaihsut tawmtawm tawh kong gelh ahih manin tua ci kei ee cih pen hong tamzaw dinghi. A hizongin Thupha ngah minam I hih manin I pu Abraham suakleh khak te ihih lam I manggilh khak ding ka laumanin hong gelhsuk ka hihi.
Thawn Tuang
Zomi Angvaan
BC 1027 kum in Zo Kumpi gam ki phut hiding hi ci-in Zo tangthu kanten a upmawh thu uh na gen hi. Sengam laizang Kul panin Zomi te ki piang khia hiding hi cihzong upmawh mah hito zel hi. A manpen leh a dik pen ding imuh om nailo hi. Thukan mi khat peuhpeuh in a ki hopih te tungtawn bek mah panin thu za uh hi. Zo tangthu kanten Sen gam laizang dong na paikha ngei hi ding hi. Tuahangin Sengam aa Zomi te tawh i tat leh ki ngeina tampi a kibang pawlkhat hong mu khia thei uh hi. Ahizongin thukan ten leitungbup hong tuancillo uh ahih manin piansakna pen I Ngeina kibang teng Zomi tetawh ki nai hihang icih pen Ngeina tawmtawm ki bang kaikhawm hileng Leitung ah i kibat pih simsim tampi om lai kha in ka lamen hi.
Khang Gui bang cih I sut dia leh Pu Zo pan sut ciat ding maw, Pu Songthu pan sut ciat ding. A sau theihtheih in panni cileng pen-
Adam..., Abraham..., Pu Zo...., Pu Song.., Pu Guite, Pu Sukte, Pu Hauzel, Pu Thawmte, Pu Suante cihbang I beh I beh tek man kik mai in nidang ciang hunsaupi hong paito leuleu leh Pu Adam.., Pu Zo.., Pu Song.., Pu Guite...( Thangpau),.....Pu Sukte....(Thangpu), …..cihbangin a kallak I theihphat lohte halbawl mai in ki omto kha dingin lamen mai ing. Tu hun ciangin khangthu a sut ki om tangtang nawn mello mawk hi. Ki hing mang dekdek ta aci zong tampi omta hi. Ahizongin khua hun paizia leh leitung khuasak zia hito ta mai hi.
Nidang lai in Ni leh Kha cihbang I pu I pa ten na bia tangtang uh hi. Tu hun ciangin Topa, Pasian, Jesus cihbangin enzong Pasian minsapna neihto aa I bia ngekngek hi. Tualeh nidang aa a biak uh pasian min adapsak ahi Ni Gui ( Ni bia uh ahih manin mindap sak), tuhun ciangin Pasian ki bia in Sian Cin Thang cihbang min kidapsak, Jesus zong a dapsak omta Je min Thang cih bangin Khang Gui sese min kidap saknawnlo aa I biak khat peuhpeuh kidapsak ta hi. Ni dang ciangin leitung khua hun in hong zo to semsem ding aa I nu leh pa cihbang min ki dapsak tangtang nawn lo ding aa ei min leh I zi min peuh la hiam, ei ut khat peuh pia hiam cihbangin hun hong paito lai ding hi.
A tawpna ah Mizo ten ahoih khempeuh amau ki pia aa, a hoihlo khempeuh midang piaktuam neihlo uh hi, Zomi ten a hoih khempeuh mi ki piatawm mai in, ahoihlo khempeuh ei kileh piak zawsawp hi hang. Pasian thu I zuih leh I up nungsang' a hoih khempeuh ei lam ah kaihmang khit ding a hi aa ka pu Abraham hi cih in gen tangtang mai in, khanggui I sut ciangin zong Abraham pan in sut tangtang maileng ka ut ta mai hi. Abraham suak leh khak Zomi te I hihi. Abraham beh leh phung te Zomite i hihi.
Kei ngaihsut tawmtawm tawh kong gelh ahih manin tua ci kei ee cih pen hong tamzaw dinghi. A hizongin Thupha ngah minam I hih manin I pu Abraham suakleh khak te ihih lam I manggilh khak ding ka laumanin hong gelhsuk ka hihi.
Thawn Tuang
Zomi Angvaan
0 Comments
Nong simsak manin lungdam mahmah ing.