Update thak

15/recent/ticker-posts

Ha nawtna kung hong piandan

British mi ahi William Addis ki ci mi khat kum 1770 kumin Ha nawtna kung thonginn sung pan hong bawl khiat ahihi.

Willism Addis pen thong a khiat hangin thongkia dangte tawh kibang lo in a khuak a tawl ngasak ngeilo thongkia mi khat ahihi.

Zingsang khat Thong sungah an anek khit ciangin a ha te ahih ngei bangin puansia khat tawh hong nul siang hi. Tua lian leh thu khat hong ngaihsun kha hi. Ka ha te hih banga puansia tawh ka siangtho sak sangin Ha nawt leng hoihlo ding hiam cih hong ngaihsun hi.

A zing ciangin a meh lak ah saguh khat sel simin Thongcingte khat huhna tawh samul dan azangneu pawl khat hong ngah hi. Tua saguh tungah a vang neu sieuhseuh pawl khat hong bawl in tuate sungah samulte hong phut a, leitungah amasa pen hanawtna kici hong piang khia hi.

William Addis ki ci mipa in thonginn pan hong suahtaak ciangin Ha nawtna bawlna nasep khat hong kipanin a hoihkhom ciang khat hong lawhcing mahmah hi, kici hi. Thong sung panin Ha nawtna piang khiat aa, Kawl Lai Siangtho zong Thong sung panin tampi ki gelh khia hi.
Mipil pa khat in;

 " A successful man is he who can build a strong foundation with the stones others throw at him".
A gualzo mi icih in midangte’ denna suangte tawh bulkip a ciang thei mi ahihi ci hi. Lung khiatna dinmun ah i om laitak in na hoih lianpipi hong pian khiatna ding lampi zong hi thei hi. Lungdam.

Thawn Tuang
Nashville TN USA
Jan 23,2016

Post a Comment

0 Comments