Mipil mihai nuamtak in ih lungsim aa omthupen tuhun ciangin ih khutnih tektek tawh thu le la ih kikum theita hi. Hih bangin Khut Nih Pan In nasepna sunga ih ngaihsut ding thu kadeih in Ka Khut Nih Pan In cihpen ngaihsun in ih Khut Nih te limpha tak in ih kepding thupi kasa hi. Tua ahih manin khutnih tawh nasepna leh ki thuzakna ah thuman thutak gending mi zong haksa pi in haksa hi.
Ih Khut Nih Pan in bangmah ngaihsun selo ciding hiam? ngaihsut takpi mah ciding hiam? ih pulak leh ih sep pawl khat te in-
Mel kimuh kullo kipawlna lian pipi dingkhia Mel kimuh kullo pahtawina mipia thei ziauziau Mel kimuh kullo mite tungah kumpi nokhat ki suakthei Mel kimuh kullo mite thugenpih theiziauziau Mel kimuh kullo vaihawmding ki tamsak tawm Aban na ngaihsutna ah tampi om kha laiding aa na zomtawm lel in.
Mittawh ih muhthu, mite laigelh khatpeuh ahizongin, biltawh ihzak thu mite tungpan ih zaksawn ahipial zongin ih ngaihsutna teng khempeuh ih khutnih buaisak mahmah kha theizel hihang. Ih khutnihte koilampi ah ommawhsak ihhiam? Mite' phattuamna dingin aommawhsak khut nahi sak hiam?
Jesus khutnih te in mihing khempeuh honkhia aa, mihing te khut in bang tengteng semthei hiam cih thu na ngaihsun kha ngei hiam? Na septheihna sunsun ah na khut aommawksak dingin nangmah na hihiam? eite mah ih hihiam cih ngaihsut ding thupi kasa hi.
Ih ngaihsutna tengteng ih khutnih in gelhkhia thei ziahziah ih hih manin ih khutnih te limtak in kepzawh ding thupi kasa hi.
Lungdam Ka Khut Nih Pan In
Thawn Tuang
Zomi Angvaan
27.Apirl 2011
0 Comments
Nong simsak manin lungdam mahmah ing.