Tukum 2011 March 8 pen Leitungbup Numeite' Ni kum 100 hong cinkum ahihi. 1908 kumin USA gam NewYork Khuapi ah Numeite' Ni neihding lunggulhna tawh Numei bekbek 15,000 in lungphona neih uh aa, 1911 kumciangin Denmark gam Copenhagen-ah International Women’s Day (IWD) ciaptehna ngah uh hi. Kumsim March 8 ni Numite' Ni ahihi. Numeite cihlak ah Zomi Numeite zong khatmah ahi uhaa, ka pianna Nu ahizongin na sanggam Nu te ahizongin Numei khempeuh ki huamkim hi.
Pasal pangpi(nakguh) panin Numei kibawl aa, Numei sung panin Pasal kipiangsak hi. Innkuan cidamlo panin a khankhia mite' pen a dahhuai thukhat hi aa, innkuan cidam nadingin Numeite' khutsungah om hi. Zomi sung acidam na dingin Zomi Numeite' sungah om takpi mah hi.
Moses zong khathum a phak ciangin galtai himah leh a galtaina ah a cing, akem, akoi taktak pen a pianna Tuun Nu taktak ahih manin Moses in a mipihte a honkhiat pa hong suakzo pan hi. Nu khutsung panin( tuhun ciangin sumtawh mite' nau a kemsak omta) a khangliante' thupi takpi mah hi. Moses in bang hangin a Ngeina, a Mipih te veina neihcihzong a pianna Tuun Nu kepna hang mah ahihi.
Zomi Tuun Nu ahilo khat in a Tate Zongeina ahilhthei takpi mahdiam? Zomi aveitakpi mah diam? Ngaihsut haksa ihsa hiam? Tuhun ciangin Zomi lungsim puataktak ding Tate ihdeih leh Zomi Tuun Nu mahpan ih khangliat keileh Zo Ngeina leh Minam itna kineih zolo ding hi.
Ih khanggui, ih Zomi sung ahoihna dingin Zomi Numeite' sungpan hong kipat kei leh a piangthei thu hi kasa kei hi. A diakdiak in Zomite' leh Minamdang te aki tehkhak theihding minam ih hikei hi. Pasianin minam khat in hong piansakleh minamdang tetawh kiteh khakdingin hong piangsaklo hi. Pasalte thuneihna pen 100% ahiphial mah leh pasal te in thudam ngaihsut ciding hiam? Sepkhiatna tamphalo( tate tungah, innkuan sungah) ahih manin Numei te ih batlohna namkhat a hihi. Tua manin Numei ten innkuan sung vaisai manzaw uh ahih manin Tate mailam kasuan ziazong Numeite sungah om takpi mahhi.
Numeite' leuleu in a ngaihsutna khat peuhpeuh uh seppahpah uh aa, ahizongin innkuan sungah 50% a thu in pasalte' in a tawmzaw thuneihna ihneihsak hi. A taktak in pasal te in thulian pipi( vaisah cihbang) ih neih luat manin ih Tate ih zi adingin vai ih hawmzo kei hi. Thudangdang te sangin innkuan sung thupi masa zaw hi cih ih phawkding thu laigil ka deih hi.
Tu-in May.8.2011 nipen Nute' Ni ahihi. Nute' Ni cih bek tawh hih kasa zo kei aa, Ka Nu Te Ni cihdingin ka pom hi. Tate in pilna sangpen, hauhna lianpen ih neih hangin Nu le Pa hong itna leh hong deihsakna namkim te cikmah hunin ih thukzo ngeikei ding hi.
Na Nu na itna leh amau hong itna limphatak in ngaihsun phalecin Itlo in na omthei takpi mah diam? Ngailo, phawklo in ih omzo takpi mah diam? Ka Nu le Pa ka phawkna ngiattawh computer ka tutciang thuphagah12@gmail.com ci-in ka bawl ngiat hi. Ta 12 hong neih uh pen bangzah takin Pasian in ka Nu le Pa thupha pia cih ka ngaihsut ciangin Thupha taktak kasa hi. A Tatenzong thupha gah kisa mahmah ung.
Nu le Pa itzolo mihing pen kuamah in a nuntaakna hampha sahetlo ding cih ka phawk semsem hi. Nute' Ni ka phawkna leh amau' hong it takpi mah hi cih ka phawkna tawh hihlai a gelh ka hihi.
Nu aw khankum sawt hong nuntakpih semsem inla, na omna na zaalna panin Thupha hong piazel in.
Thawn Tuang
Zomi Angvaan
Pasal pangpi(nakguh) panin Numei kibawl aa, Numei sung panin Pasal kipiangsak hi. Innkuan cidamlo panin a khankhia mite' pen a dahhuai thukhat hi aa, innkuan cidam nadingin Numeite' khutsungah om hi. Zomi sung acidam na dingin Zomi Numeite' sungah om takpi mah hi.
Moses zong khathum a phak ciangin galtai himah leh a galtaina ah a cing, akem, akoi taktak pen a pianna Tuun Nu taktak ahih manin Moses in a mipihte a honkhiat pa hong suakzo pan hi. Nu khutsung panin( tuhun ciangin sumtawh mite' nau a kemsak omta) a khangliante' thupi takpi mah hi. Moses in bang hangin a Ngeina, a Mipih te veina neihcihzong a pianna Tuun Nu kepna hang mah ahihi.
Zomi Tuun Nu ahilo khat in a Tate Zongeina ahilhthei takpi mahdiam? Zomi aveitakpi mah diam? Ngaihsut haksa ihsa hiam? Tuhun ciangin Zomi lungsim puataktak ding Tate ihdeih leh Zomi Tuun Nu mahpan ih khangliat keileh Zo Ngeina leh Minam itna kineih zolo ding hi.
Ih khanggui, ih Zomi sung ahoihna dingin Zomi Numeite' sungpan hong kipat kei leh a piangthei thu hi kasa kei hi. A diakdiak in Zomite' leh Minamdang te aki tehkhak theihding minam ih hikei hi. Pasianin minam khat in hong piansakleh minamdang tetawh kiteh khakdingin hong piangsaklo hi. Pasalte thuneihna pen 100% ahiphial mah leh pasal te in thudam ngaihsut ciding hiam? Sepkhiatna tamphalo( tate tungah, innkuan sungah) ahih manin Numei te ih batlohna namkhat a hihi. Tua manin Numei ten innkuan sung vaisai manzaw uh ahih manin Tate mailam kasuan ziazong Numeite sungah om takpi mahhi.
Numeite' leuleu in a ngaihsutna khat peuhpeuh uh seppahpah uh aa, ahizongin innkuan sungah 50% a thu in pasalte' in a tawmzaw thuneihna ihneihsak hi. A taktak in pasal te in thulian pipi( vaisah cihbang) ih neih luat manin ih Tate ih zi adingin vai ih hawmzo kei hi. Thudangdang te sangin innkuan sung thupi masa zaw hi cih ih phawkding thu laigil ka deih hi.
Tu-in May.8.2011 nipen Nute' Ni ahihi. Nute' Ni cih bek tawh hih kasa zo kei aa, Ka Nu Te Ni cihdingin ka pom hi. Tate in pilna sangpen, hauhna lianpen ih neih hangin Nu le Pa hong itna leh hong deihsakna namkim te cikmah hunin ih thukzo ngeikei ding hi.
Na Nu na itna leh amau hong itna limphatak in ngaihsun phalecin Itlo in na omthei takpi mah diam? Ngailo, phawklo in ih omzo takpi mah diam? Ka Nu le Pa ka phawkna ngiattawh computer ka tutciang thuphagah12@gmail.com ci-in ka bawl ngiat hi. Ta 12 hong neih uh pen bangzah takin Pasian in ka Nu le Pa thupha pia cih ka ngaihsut ciangin Thupha taktak kasa hi. A Tatenzong thupha gah kisa mahmah ung.
Nu le Pa itzolo mihing pen kuamah in a nuntaakna hampha sahetlo ding cih ka phawk semsem hi. Nute' Ni ka phawkna leh amau' hong it takpi mah hi cih ka phawkna tawh hihlai a gelh ka hihi.
Nu aw khankum sawt hong nuntakpih semsem inla, na omna na zaalna panin Thupha hong piazel in.
Thawn Tuang
Zomi Angvaan
0 Comments
Nong simsak manin lungdam mahmah ing.