Pasian Khat bek cih laisiangtho sung muntampi ah ki gelhna pi in a ki gelhna omlo Thum kigawm Pasian hi cih ih uptheih pen lamdang mahmah hi. Thum kigawm Pasian cih Lai Siangtho sung munkhat beek ah ki gelh omlo na pi in, mitampi tak lamkhial in a nuntakna uh haigamtak nuam uh hi. Lai Siangtho na leng zahtakzo lo uh aa, ahizongin bulhphuh Lai Siangtho hauthei mahmah zawlai uhhi. Lai Siangtho amau hoihsakna sungbek laziau Sia tampi pawlkhat in mite nuntaakna tampi lamkhialsak uh hi.
Sia tampi in abulhphuh phadeuh te in, “ Pa min, Tapa min, Khasiangtho min tawh baptize un. " Matt 28:19-20 hih sung ih et ciangin vaikhakna hi aa, Pa min in bang hi aa, Ta min in bang hia, Khasiangtho min in bang hi cih ih kan mannawn kei hi. Pa, Tapa, Khasiangtho in min neihnawnlo hi cihbangin Lai Siangtho ih hoihkaih ngam hi. A malmal in ngaihsutna ih neihding a kisam ahihi. Vaikhak na leh sepna cihte ih khensiam ding ahihi.
A. Piancil 1:26 "Eima lim, eimah hong sunin mihing bawl ni"
"Eima lim, eimah hong sunin mihing bawl ni" hihsung ih et ciangin mi tampi tak in a patna "Ei' leh atawpna "Ni"cihbek ih la ziau hi. Ih khen khiakhia hi. Hih Lai Siangtho agelh Moses hi aa, "Pasian te in" na cilo aa, " Pasian in" na ci ahih manin Pasian khatbek ahilam ki lang mahmah hi. Ei ma lim cih a gen ciangin kuate tawh kam kikum hiding aa, bang zah pha uh hiam? cih hong lak nawnlo hi. Khat tung siah pah ding hicih ahihi. Khat tungsiah phading hi cih upna om ahih manin Pasian Khat bek hilo ding hi cih upna hong paipah hi.
Mi hing abawlna simsuk lai in Piancil 1:27 sungah, “Pasian in, ama lim ama meel sunin mihing bawl hi ci-in Moses in hong gelh kik tak ciangin, “Khat bekin bawl hi”cih ihmu theipah hi. Hih kammal ah “te”cih zangh nawnlo a, Ëi” “Ni” cih kammal nasep omlo ahih manin a kikuppihte ih ngaihsut ciltel ciangin, Pasian tawh vaikhawm, Pasian tawh vangliatna neite hilo hi cih kitel mahmah hi.
B. Matt 3:16-17 "Hih pen ka it mahmah ka Tapa hi a, ama tungah ka lungkim mahmah hi”
Jesu Khris in Tuiphumpa Johan kiangah a ki tuiphum laitak in a ki langte hangin Pasian pen Khat bek upna panin ki um khial thei mahmah hi.
1. Tapa tui sungah om,
2. Kha Siangtho in vakhu bangin hong kumsuk,
3. Van panin aw ging ki za,
Hih teng hangin Thum kigawm hiding hi ci-in dinghi cihtawh thu kikhen ngam hi. A vangliatna leh a thuthukna ki ngaihsun khalo hi. Hih mun ah hoihtak in ngaihsun ni. Pasian pen “Kha” ahih lam phawk ni. Jn 4:24 Mittang tawh ki mu theihlo hi. Ex 33:20;Jn 1:18 a ut bangin kilang ziauziau thei hi. Mihing te gum dingin mihing bangin hong suah ciangin Tapa kici a mittang tawh ki mu theita hi. Col 1:15,16 amah pen na khempeuh a piangsak Pasian a hihi. Icor 8:6 a ci le sa pen pasal in hong suak ahih manin tapa hong kici aa, Matt 1:21,23; Lk 1:30 Joseph leh Mary te in lumkhawm in aneih ta hilo ahih manin Josept tapa, Mary tapa kici lo a, Pasian in mi bangin hong pai na dingin Mary agai sak hizaw ahih manin Pasian tapa ki ci zaw hi.
· Kha Siangtho in vakhu bangin hong kum sukna ih et ciangin vakhu pen Kha Siangtho hilo hi. Kha Siangtho zong vakhu hilo hi. Kha Siangtho in Vakhu “bangin”hong kumsuk hizaw hi. Tuiphumpa Johan in Jordan gun ah ama thu tawh tuiphumna a pia hilo hi. Tuiphum dingin amah asawl khat om hi. Tua asawlpa pen Kha Siangtho ahi Pasian hi a, ama ki pulakna ahihi. Tuiphum pa Hohan in amah asawlpa atheih nadingin a ki lahna lim hi a, amah tuiphum dingin asawlpa leh Kha Siangtho sungah Tuiphum ding dingpa in Jesu Khris ahih lam a theihna dingin a piaklim( a kilahna) ahihi. Tua ahih manin John in Jesu Khris a tuiphum ciangin a telna a pulal kikna thu Jn 1:30-34 sungah ih mu thei hi. Israel mite in zong a theih na ding hi, ci hi.
· Vangtung pan aw ging: Pasian in bangzah pha in ih um hiam? Koi mun tengah om in ih um hiam? Lai Siangtho sungah Pasian in “Leitung vangtung mun khempeuh ah ka kizel hi ci hi. Jer 23:24 Keipen munkhempeuh ah aom hilo ka hihiam ci hi. IKings 8:27; IIChro 2:6 Mihing banign hong pai hangin Pasian in mun khempeuh ah dim veve hi. A tpa hihna mihing sungah zong om hi. Jordan gun ah a pai laitak in Kawlgam, India, USA gam ah zong om veve hi.
· Tu laitak in mun 3, mun 5 panin aw hong ging leh Pasian bangzah in ih sehsuah tam aw! Lai Siangtho sungah Pasian Khat bek om aa, tua Pasian in “eite tungah om in, eite lakah kizel aa, ete sungah zong om hi,”ci hi. Eph 4:5-6.
Tua ahih manin Jordan gun ah tui kiphumna in Pasian phazah lahna hilo in, Tuiphumpa Johan le Israel mite in Jesu Khris a theihtel na ding leh Vangliang Pasian ahihna hong lahna hizaw hi.
Pasian Khat bek thu atom in: Deut 4:35, 6:4-9, 32:39, Isai 44:6, 45:5-7, 43:11-13, 48:12, Zech 14:9, Mark 12:29-30, Rom 3:29, Icor 8:6, James 2:19. Hihteng na simkhit ciangin na ki ngaihsun in. ( A om lo, a ki gelhlo pi ih upmawh laksang'in a kigelh, aom sa mah la to leng upmawh sang' in hoihzaw thamin thumaan zaw hi.)
Thawn Tuang
Zomi Angvaan
8 June 2011
Sia tampi in abulhphuh phadeuh te in, “ Pa min, Tapa min, Khasiangtho min tawh baptize un. " Matt 28:19-20 hih sung ih et ciangin vaikhakna hi aa, Pa min in bang hi aa, Ta min in bang hia, Khasiangtho min in bang hi cih ih kan mannawn kei hi. Pa, Tapa, Khasiangtho in min neihnawnlo hi cihbangin Lai Siangtho ih hoihkaih ngam hi. A malmal in ngaihsutna ih neihding a kisam ahihi. Vaikhak na leh sepna cihte ih khensiam ding ahihi.
A. Piancil 1:26 "Eima lim, eimah hong sunin mihing bawl ni"
"Eima lim, eimah hong sunin mihing bawl ni" hihsung ih et ciangin mi tampi tak in a patna "Ei' leh atawpna "Ni"cihbek ih la ziau hi. Ih khen khiakhia hi. Hih Lai Siangtho agelh Moses hi aa, "Pasian te in" na cilo aa, " Pasian in" na ci ahih manin Pasian khatbek ahilam ki lang mahmah hi. Ei ma lim cih a gen ciangin kuate tawh kam kikum hiding aa, bang zah pha uh hiam? cih hong lak nawnlo hi. Khat tung siah pah ding hicih ahihi. Khat tungsiah phading hi cih upna om ahih manin Pasian Khat bek hilo ding hi cih upna hong paipah hi.
Mi hing abawlna simsuk lai in Piancil 1:27 sungah, “Pasian in, ama lim ama meel sunin mihing bawl hi ci-in Moses in hong gelh kik tak ciangin, “Khat bekin bawl hi”cih ihmu theipah hi. Hih kammal ah “te”cih zangh nawnlo a, Ëi” “Ni” cih kammal nasep omlo ahih manin a kikuppihte ih ngaihsut ciltel ciangin, Pasian tawh vaikhawm, Pasian tawh vangliatna neite hilo hi cih kitel mahmah hi.
B. Matt 3:16-17 "Hih pen ka it mahmah ka Tapa hi a, ama tungah ka lungkim mahmah hi”
Jesu Khris in Tuiphumpa Johan kiangah a ki tuiphum laitak in a ki langte hangin Pasian pen Khat bek upna panin ki um khial thei mahmah hi.
1. Tapa tui sungah om,
2. Kha Siangtho in vakhu bangin hong kumsuk,
3. Van panin aw ging ki za,
Hih teng hangin Thum kigawm hiding hi ci-in dinghi cihtawh thu kikhen ngam hi. A vangliatna leh a thuthukna ki ngaihsun khalo hi. Hih mun ah hoihtak in ngaihsun ni. Pasian pen “Kha” ahih lam phawk ni. Jn 4:24 Mittang tawh ki mu theihlo hi. Ex 33:20;Jn 1:18 a ut bangin kilang ziauziau thei hi. Mihing te gum dingin mihing bangin hong suah ciangin Tapa kici a mittang tawh ki mu theita hi. Col 1:15,16 amah pen na khempeuh a piangsak Pasian a hihi. Icor 8:6 a ci le sa pen pasal in hong suak ahih manin tapa hong kici aa, Matt 1:21,23; Lk 1:30 Joseph leh Mary te in lumkhawm in aneih ta hilo ahih manin Josept tapa, Mary tapa kici lo a, Pasian in mi bangin hong pai na dingin Mary agai sak hizaw ahih manin Pasian tapa ki ci zaw hi.
· Kha Siangtho in vakhu bangin hong kum sukna ih et ciangin vakhu pen Kha Siangtho hilo hi. Kha Siangtho zong vakhu hilo hi. Kha Siangtho in Vakhu “bangin”hong kumsuk hizaw hi. Tuiphumpa Johan in Jordan gun ah ama thu tawh tuiphumna a pia hilo hi. Tuiphum dingin amah asawl khat om hi. Tua asawlpa pen Kha Siangtho ahi Pasian hi a, ama ki pulakna ahihi. Tuiphum pa Hohan in amah asawlpa atheih nadingin a ki lahna lim hi a, amah tuiphum dingin asawlpa leh Kha Siangtho sungah Tuiphum ding dingpa in Jesu Khris ahih lam a theihna dingin a piaklim( a kilahna) ahihi. Tua ahih manin John in Jesu Khris a tuiphum ciangin a telna a pulal kikna thu Jn 1:30-34 sungah ih mu thei hi. Israel mite in zong a theih na ding hi, ci hi.
· Vangtung pan aw ging: Pasian in bangzah pha in ih um hiam? Koi mun tengah om in ih um hiam? Lai Siangtho sungah Pasian in “Leitung vangtung mun khempeuh ah ka kizel hi ci hi. Jer 23:24 Keipen munkhempeuh ah aom hilo ka hihiam ci hi. IKings 8:27; IIChro 2:6 Mihing banign hong pai hangin Pasian in mun khempeuh ah dim veve hi. A tpa hihna mihing sungah zong om hi. Jordan gun ah a pai laitak in Kawlgam, India, USA gam ah zong om veve hi.
· Tu laitak in mun 3, mun 5 panin aw hong ging leh Pasian bangzah in ih sehsuah tam aw! Lai Siangtho sungah Pasian Khat bek om aa, tua Pasian in “eite tungah om in, eite lakah kizel aa, ete sungah zong om hi,”ci hi. Eph 4:5-6.
Tua ahih manin Jordan gun ah tui kiphumna in Pasian phazah lahna hilo in, Tuiphumpa Johan le Israel mite in Jesu Khris a theihtel na ding leh Vangliang Pasian ahihna hong lahna hizaw hi.
Pasian Khat bek thu atom in: Deut 4:35, 6:4-9, 32:39, Isai 44:6, 45:5-7, 43:11-13, 48:12, Zech 14:9, Mark 12:29-30, Rom 3:29, Icor 8:6, James 2:19. Hihteng na simkhit ciangin na ki ngaihsun in. ( A om lo, a ki gelhlo pi ih upmawh laksang'in a kigelh, aom sa mah la to leng upmawh sang' in hoihzaw thamin thumaan zaw hi.)
Thawn Tuang
Zomi Angvaan
8 June 2011
0 Comments
Nong simsak manin lungdam mahmah ing.