Thulu: Tangko
Text: Sawltak 1:8; 2:1-4;
Thu masa: Pente (50th) cost (pawi), ni sawmnga cin pawi cih pen Thukhunlui lai in, kal pawi (feast of weeks), anpal pawi, cih bang in kimu hi. Thuthunthak ah Pentecost pawi ci in, kimu zaw hi. Hih Pentecost pawi ni in Khasiangtho hong ki buasuk a, pawlpi hong ki phuh ni zong ahi hi. Pawlpi bang hang in Pasian in hong phut hiam cih ih gen nop bulpi penpen a hi hi. Pentecost pawi ni a hong ki phut pawlpi upna tawh a ki lehngat pawlpi dang tuamtuam tampi om a, tuate dinmun pen a lauh huai tahum pawlpi a hih man in, a dah huai pawlpi te ahi uh hi. Amau dah huaina thu tuni in ih gen nop bulpi hi zaw lo in, hong ki phut pawlpi' tavuan (mawhpuak) in bang hiam cih ih lim gen zaw ding hi.
Pentecost Pawi etphatna: Ni 50 cinni hi ih cih ciang in, "Paisan Pawi" pan a kisimto ni 50 cinni a cihna a hihi. Thukhunthak pan ento le hang, "Paisan Pawi" tuuno (gante) gawhni (the preparation of the pass over) in Zeisu Singlamteh tungah kikhai in, ki thatlum hi. A sihni a zingciang in Paisan Pawi ki khaam in, tuani pen "The Sabbath Feast" zong kici hi. Paisan Pawi nipan a kisimto nipi kal 7 sung kal pawi (feast of weeks) Israel te in kum khat in khatvei a zat hunsung uh ahi hi. Paisan pawi leh kalpawi kizomto suak a, Pentecost pawi ni in, hih kal pawi kizo siangta hi. Paisan pawi ni leh Pentecost pawi ni pen, innpan in km 3 a gamla ah khualzin theilo, an huan phal hilo, tawlngak ni in zangh uh hi (feast of sabbaths) Sabbath pawi a cihte sungah zong ki hel hi. Hih pawi pen a thupi mahmah in, Israel te in a zat uh ahi hi.
Pentecost Pawi ni: Israel mi a hih nak leh Paisan pawi, Pentecost pawi simding in gamla pipi pan in Jerusalem ah pai kim ciat uh hi (Pasal kumcingte bek genna hi). Tua a hih man in Sawltak 2, Pentecost pawi ni in pawisim pen 40,000 pan 50,000 kim pha ding in thu bulkante in ngaihsun uh hi. Ni 50, kum 50 cihte pen Israel gamsung ah Pasian thukhun honkhat om hi. Kum 49 sung lokho, nasem in na om ding uh a, kum 50 a cin kum pen na gamsung uh ah kua mah in lokho lo in, na gam uh na tawlnga sak ding uh hi ci in, Mosi thukham sungah ki gelh hi. Zogamte ah kum 50 sung in khatvei (kumkhat) kialpi tung in lusei pau in "Mautam" a cih uh piangzel hi ci in, papite in ciamteh uh hi. Pentecost pawi ni in, mikhempeuh in a khaithakte uh tawh Pasian maipha zong in, khaithak pawi zong kici hi. Zomite sialsawm pawi tawh kibang dektak in, pawi thupi mah mah khat a hihi.
Pentecost Pawini in Khasiangtho kibuasuk (Act 2): Pentecost Pawi sim mi tampitakte leh Jerusalem khuamite in pawi thupi tak bawl ding in kigin kholhna nasiatakin nei uh hi. Ahizong in, hih Pentecost pawi kibawl madeuh zingtung (before 9am) hun in, Zeisu a um mi 120 te kikhopna Makunu Inndei tungnung a thungetna uh dim zihziah in Khasiangtho hong ki buasuk a, a sung a thungen khempeuh Khasiangtho tawh kidim hi. Jerusalem khuapi sung a om mipite in a mau ngeina Pentecost pawibawl hun kipat ma a hih man in, mipite in pawibawl lozaw in, tua Khasiangtho kibuakna thu a muh uh ciang in, lamdang sa mahmah uh a, pawisim ding a gam 9 pan in hong pai mite in, hih mite pen zukham hi kha ding hi ci uh hi. Ahizong in, Sawltak Piter hangsan takin hong dingto a, adang sawltakte in zong dinpih to hi, cih ih mu hi. Kote in zu ka kham kei uh hi, zingtung nai 9 in kuamah in zu ih kham ngeikei hi. Kamsang Joel in a genkholhsa "ni tawpni ciangin ka Kha kabua ding hi" cih a tangtung a hihi ci in, hangsan takin na tangko khia hi.
Tangko nasep zia tawm ensuk phot ni:
Tangko Masa: Pasian pen lungdamna thu (leitung leh vantung abawl Pasian keibek ka hi hi cih) a tangko masa penpen ahi hi. Leitung mihing a bawlma in, vantung mite in Pasian min na phat den uh a, hih Pasian vangliatna a tangko (a phat) vantung mite pen simzawh ding hilo hi ci in, Hebrew laigelhpa in hong hilh hi. Adam leh Eve tungah Pasian in, "protoevangelium" lungdamna thuhilh masakna Piancil 3:15 sungah na gen khin zo a, tua thu in a nuai ah ih gensuk beh ding hi. Hih tangko nasep a sem ding in, Pasian in anuai a mite tavuan na pia hi:
1. Nupa Masate: Pasian in vantungmite phatna hunkhin lel hi ci lo in, mihing na bawl a tuate tungah thuneihna leh ukna pia in, leitung ah Pasian tawh kizom dending leh Pasian hoihna kembit ding in thupha pia hi (cf. Gen.1:28). Satan in Eve leh Adam na khem ahih man in, mawhna sung leh sihna sungah nungta ding in, mihing khanggui Eden huan pualam ah zomsaka, sihna leh mawhna in thu a neihna Eden huan pualam ah nungtak sak hi. Ahizong in, nupate tungah anungta Pasian Khatbek om hi cih tavuan na pia veve a, tua in hehpihna a hi hi. Adam tapa Abel in, hih tavuan na lensuk in, Enok in na zom to a, ahiziong in Adam pan in khang sawmciang dong sungah leitung leh asung a om nakhempeuh apiangsak Pasian khatbek a omlam, kua mah in phawkkhak in nei nawnlo hi. Pasian in mite ensuk a, mawhna, siatna leh gitlohna tawh kidim hi cih a muh ciang in, leitung mikhempeuh beisiangsak ding in khensat hi (cf. Gen.6).
2. Innkuan khatbek: Leitung ah mi khempeuh beisak ding Pasian in a khensatna a hang taktak pen, Abawl Pa Pasian kuamah in bia nawnlo, phawk kha nawnlo ahih man a hi hi. Hi bang hunlaitak in, Pasian muhna ah Noah in maipha mu a, Noah leh a innkuan pihte a nuntak theihna ding in tuiciin tungsak hi, tua tuiciin tungah a nungta ding in Noahte innkuan Tembaw lamzia ding Pasian in hilh hi. Hih Noahte innkuan pen tui in na honkhia hi (1Pit.3:20-21). Mi khempeuh leitung maitang pan in beisiang a, Pasian a um innkuan khat bek (mi giat) hong nungta bek hi. Noahte innkuan bek a nuntak hang in, luahsuk mawhna in NOahte innkuan sung ah thunei lai veve a hih man in, Noah pan in khang gukna hunciang in, Pasian thupiak kuamah in thudon lo in, Babel tausangpi hong lam uh a, Pasian hehna hong kibua suk in, leitung ah pau kibatlohna kamtuam hong ki pan hi. Adam pan in khangsawmna sang in Noah pan in khang gukna ah mite siazaw lai hi. Noah pan in Khangsawmna Abraham hunciang in, leitung mi khempeuh in Pasian phawk kha nawnlo in, Ni, Aksi, Kha, Tuipi, singkung, leh milim biazaw uh hi.
3. Innkuan tavuan kipiak beh: Mi khempeuh in Pasian khatbek upna phawk kha nawnlo in, a om laitak un Abraham bekbek in a nungta Pasian hong umkha hi. Pasian in Abraham a tenna khua pan in samkhia in, anungta Pasian khatbek om hi cih tangko ding leh a nuntakpih ding in, thupha leh thuciam na pia hi (Gen.12, 13 chs). Abraham in zi thum nei Sarah (zipi), Hagar (Sarah' sila), leh Keturah (Sarah sih khitciang in a neih a zikik)te a hi uh hi. Hih a zithumte suan sung pan in, Sarah tawh a tapa bek in gamh luah ding in Pasian in thupha pia hi, amin pen Isaac ahi hi. Isaac tawh Psian thuciamna na kizom suk hi.
4. Minam tavuan piakna: Isaac in zi khat bek nei in, a zi min pen Rebekah ahi hi. Zi khat bek aneih sungpan in, tapa nih (Esau leh Jacob) nei a, Pasian in Esau ka mudah a, Jacob ka it hi ci hi. Jacob in apa leh apu thupha ngah in, Pasian in Abraham leh Isaac tungah a kamciam khempeuh Jacob tungah kipsak hi. Jacob in apu Abraham mah bang in zi tampi (li) nei hi. Ahizongin, Pasian in mite tungah TANGKO TAVUAN apiakzia hong laih in, innkuan khat bek in leitung ah tangko nasep zo zolo ahih man in, minam khat ka bawl ding hi ci in, khensat hi. Tua ahih man in, Jacob zite (Leah, Rachel, Zilpah, Bilhah) pen bangzah ta in, mi ginalo ahizong in, Jacob tate khempeuh Pasian minam cihna ngah uh hi. Mawhna a neihvua leh zong thu hilh lel in, ama minam hihna pan in phiat nawntuanlo hi. Hih minam pen Israel minam ki ci a, Pasian in ka tapa upen (tacil) ci hi. Hih minamte tungah Pasian in a khut ngiat tawh a gelh thukhamte zong ap hi. Leitung ah Pasian khatbek upna a manthanlohna ding in, innkuan khatbek hinawnlo in, minam (gam khat) a teel a hi hi. Tua a minamte neih den ding, let den ding leh phawk den ding pen: "Israel mite aw, za un, na Topa Pasian in Topa khat bek a hi hi" (Deut.6:4; Mk.12:29). Hih pen na kawmtung vuah laisuan in na nei ding uh a, na taltang tungvuah na at ding uh hi, na suan le khakte uh tungah na hilh tawntung ding uh hi. Tua na Topa Pasian' na bek na sem ding uh a, na lungsim khempeuh, na hatna khempeuh uh tawh na it ding uh hi, ci thuah lai hi. Leitungah Pasian khat bek upna a nei Judaism, Christian (Pentecostal), leh Muslim te ih hi hi. Israel te pen, Pasian khatbek upna leitung ah a beilohna ding in, Pasian mahmah in a mawhnate uh maisak zawtham in a teel khiat minam a hi uh hi. Ahizong in, minam khat in leitung khempeuh ah hih upna thu TANGKO khia zotuanlo bekthamlo in, amau sung mahmah zong, tua Pasian bek um tuanlo in, milim biakna in ukcip ahih man in, minam khat bek tungah tavuan piak pen Pasian in hoihsa lo a hih man in, "Thukhunthak" (New Covenant) hong bawl hi. Tua thukhunthak pen mimal khat, minam khat, gam khat bek te thanemna hang a hihi.
5. Pawlpi hong ki phuhna: Pentecost ni (Acts 2) ciang in, Pasian in a thu nungta tangko khia ding in, mimal, innkuan, leh minam khat bek hi sazo nawnlo in, "Pawlpi" hong phut hi. Hih a phuh "PAWLPI" in leitung khempeuh ah vak kawikawi a, minam khempeuh tungah tua anungta Pasian khatbek om a, amah mah leitung ah hong si, kivui, thokik hi cih thu leh minam khempeuh tungah thukhen ding pa hi cih thu tangko khia ding in, pawlpi aphut a hihi. Pasian thukham pen Israel minam tungbek ah piak ahih laitak in, tua thukham kua mah in zui zolo ahih man in, thuciamna singkuang Pasian in mite musak nawnlo in selcip hi. Hih thuciamna singkuang pen Jerusalem khuathak biakinnpi sungah om kik hi cih Ezekiel in a vision ah mu hi. Tua thuciamna singkuang a ki muh kikma ciangdong, hih lungdamna thu leitung khempeuh ah ki tangko ding a, tua tangko ding in Pasian in Pawlpi a phuh ahihi. Hih thu pen thukhunlui kamsangte sung ah ki imcip a, tua pen "THUSIM" ki ci hi (Eph.3:3-10).
Thukhupna: Pentecost pawini (Acts 2) a, ki phut pawlpi in leitung khempeuh ah lungdamna thu tangko ding tavuan a nei a pawlpi ahi hi. Tua tangkona pen Jerusalem (Acts 2-4 chs), Judea gam sung (Acts 5-7 chs), Samaria mite sung (Acts 8-9 chs), leh Gentile (Acts 10 to present)mite sung ah ki tangko a, tuni dong in hih thu mah gen bel in a nei pawlpi pen Acts 2 Pawlpi a hihi. Pentecost pawi ni (Acts 2) a kiphut pawlpi pen a bulpi Zeisu hi a, Sawltakte in a zoptoh pawlpi zong kici hi (Eph.2:20-23). Sawltakte upna tawh a kibanglo pawlpi leitung ah tuhun in tam mahmah a, tua pen tang leh tahum pokhawm ih cih thu a hihi. Zeisu sutpi in pokhia a, Sawltakte in na zomto in mengkhia hi. Sawltakte tangko upna leh lungdamna thu (tavuan) pen Zeisu theihpih pawlpi khat, upna khat, tuiphumna khat, Khasiangtho khat bek a hihi (Eph.4:5). Email ading in, sau simsim hi mah taleh a vek in na sim man in nakpitak in lungdam hi. Innkuan min deihna tawh nasepna in, gah tawm gah lua ding hi, pawlpi khat hi na tawh mimal, innkuan, khua khat, minam, gam khempeuh pangkhawm in, hih "Tangko" nasep sem khawm ding in, Pasian in a pawlpi thupha hong pia semsem ta hen. Amen.
Note tawh a kibang hih Tangko Tavuan a nei,
Speaker: Rev. Dr. Suan Za Khup
Amun: Tabernacle of Joy Assembly, Yangon, Myanmar
Ani: Pentecost Day, June 12, 2011
UPC groups sunga Dr Suan Za Khup gelh bang lianin hong ki suaksak ahihi.
Thawn Tuang
Zomi Angvaan
http://zomi-angvaan.blogspot.com/
Text: Sawltak 1:8; 2:1-4;
Thu masa: Pente (50th) cost (pawi), ni sawmnga cin pawi cih pen Thukhunlui lai in, kal pawi (feast of weeks), anpal pawi, cih bang in kimu hi. Thuthunthak ah Pentecost pawi ci in, kimu zaw hi. Hih Pentecost pawi ni in Khasiangtho hong ki buasuk a, pawlpi hong ki phuh ni zong ahi hi. Pawlpi bang hang in Pasian in hong phut hiam cih ih gen nop bulpi penpen a hi hi. Pentecost pawi ni a hong ki phut pawlpi upna tawh a ki lehngat pawlpi dang tuamtuam tampi om a, tuate dinmun pen a lauh huai tahum pawlpi a hih man in, a dah huai pawlpi te ahi uh hi. Amau dah huaina thu tuni in ih gen nop bulpi hi zaw lo in, hong ki phut pawlpi' tavuan (mawhpuak) in bang hiam cih ih lim gen zaw ding hi.
Pentecost Pawi etphatna: Ni 50 cinni hi ih cih ciang in, "Paisan Pawi" pan a kisimto ni 50 cinni a cihna a hihi. Thukhunthak pan ento le hang, "Paisan Pawi" tuuno (gante) gawhni (the preparation of the pass over) in Zeisu Singlamteh tungah kikhai in, ki thatlum hi. A sihni a zingciang in Paisan Pawi ki khaam in, tuani pen "The Sabbath Feast" zong kici hi. Paisan Pawi nipan a kisimto nipi kal 7 sung kal pawi (feast of weeks) Israel te in kum khat in khatvei a zat hunsung uh ahi hi. Paisan pawi leh kalpawi kizomto suak a, Pentecost pawi ni in, hih kal pawi kizo siangta hi. Paisan pawi ni leh Pentecost pawi ni pen, innpan in km 3 a gamla ah khualzin theilo, an huan phal hilo, tawlngak ni in zangh uh hi (feast of sabbaths) Sabbath pawi a cihte sungah zong ki hel hi. Hih pawi pen a thupi mahmah in, Israel te in a zat uh ahi hi.
Pentecost Pawi ni: Israel mi a hih nak leh Paisan pawi, Pentecost pawi simding in gamla pipi pan in Jerusalem ah pai kim ciat uh hi (Pasal kumcingte bek genna hi). Tua a hih man in Sawltak 2, Pentecost pawi ni in pawisim pen 40,000 pan 50,000 kim pha ding in thu bulkante in ngaihsun uh hi. Ni 50, kum 50 cihte pen Israel gamsung ah Pasian thukhun honkhat om hi. Kum 49 sung lokho, nasem in na om ding uh a, kum 50 a cin kum pen na gamsung uh ah kua mah in lokho lo in, na gam uh na tawlnga sak ding uh hi ci in, Mosi thukham sungah ki gelh hi. Zogamte ah kum 50 sung in khatvei (kumkhat) kialpi tung in lusei pau in "Mautam" a cih uh piangzel hi ci in, papite in ciamteh uh hi. Pentecost pawi ni in, mikhempeuh in a khaithakte uh tawh Pasian maipha zong in, khaithak pawi zong kici hi. Zomite sialsawm pawi tawh kibang dektak in, pawi thupi mah mah khat a hihi.
Pentecost Pawini in Khasiangtho kibuasuk (Act 2): Pentecost Pawi sim mi tampitakte leh Jerusalem khuamite in pawi thupi tak bawl ding in kigin kholhna nasiatakin nei uh hi. Ahizong in, hih Pentecost pawi kibawl madeuh zingtung (before 9am) hun in, Zeisu a um mi 120 te kikhopna Makunu Inndei tungnung a thungetna uh dim zihziah in Khasiangtho hong ki buasuk a, a sung a thungen khempeuh Khasiangtho tawh kidim hi. Jerusalem khuapi sung a om mipite in a mau ngeina Pentecost pawibawl hun kipat ma a hih man in, mipite in pawibawl lozaw in, tua Khasiangtho kibuakna thu a muh uh ciang in, lamdang sa mahmah uh a, pawisim ding a gam 9 pan in hong pai mite in, hih mite pen zukham hi kha ding hi ci uh hi. Ahizong in, Sawltak Piter hangsan takin hong dingto a, adang sawltakte in zong dinpih to hi, cih ih mu hi. Kote in zu ka kham kei uh hi, zingtung nai 9 in kuamah in zu ih kham ngeikei hi. Kamsang Joel in a genkholhsa "ni tawpni ciangin ka Kha kabua ding hi" cih a tangtung a hihi ci in, hangsan takin na tangko khia hi.
Tangko nasep zia tawm ensuk phot ni:
Tangko Masa: Pasian pen lungdamna thu (leitung leh vantung abawl Pasian keibek ka hi hi cih) a tangko masa penpen ahi hi. Leitung mihing a bawlma in, vantung mite in Pasian min na phat den uh a, hih Pasian vangliatna a tangko (a phat) vantung mite pen simzawh ding hilo hi ci in, Hebrew laigelhpa in hong hilh hi. Adam leh Eve tungah Pasian in, "protoevangelium" lungdamna thuhilh masakna Piancil 3:15 sungah na gen khin zo a, tua thu in a nuai ah ih gensuk beh ding hi. Hih tangko nasep a sem ding in, Pasian in anuai a mite tavuan na pia hi:
1. Nupa Masate: Pasian in vantungmite phatna hunkhin lel hi ci lo in, mihing na bawl a tuate tungah thuneihna leh ukna pia in, leitung ah Pasian tawh kizom dending leh Pasian hoihna kembit ding in thupha pia hi (cf. Gen.1:28). Satan in Eve leh Adam na khem ahih man in, mawhna sung leh sihna sungah nungta ding in, mihing khanggui Eden huan pualam ah zomsaka, sihna leh mawhna in thu a neihna Eden huan pualam ah nungtak sak hi. Ahizong in, nupate tungah anungta Pasian Khatbek om hi cih tavuan na pia veve a, tua in hehpihna a hi hi. Adam tapa Abel in, hih tavuan na lensuk in, Enok in na zom to a, ahiziong in Adam pan in khang sawmciang dong sungah leitung leh asung a om nakhempeuh apiangsak Pasian khatbek a omlam, kua mah in phawkkhak in nei nawnlo hi. Pasian in mite ensuk a, mawhna, siatna leh gitlohna tawh kidim hi cih a muh ciang in, leitung mikhempeuh beisiangsak ding in khensat hi (cf. Gen.6).
2. Innkuan khatbek: Leitung ah mi khempeuh beisak ding Pasian in a khensatna a hang taktak pen, Abawl Pa Pasian kuamah in bia nawnlo, phawk kha nawnlo ahih man a hi hi. Hi bang hunlaitak in, Pasian muhna ah Noah in maipha mu a, Noah leh a innkuan pihte a nuntak theihna ding in tuiciin tungsak hi, tua tuiciin tungah a nungta ding in Noahte innkuan Tembaw lamzia ding Pasian in hilh hi. Hih Noahte innkuan pen tui in na honkhia hi (1Pit.3:20-21). Mi khempeuh leitung maitang pan in beisiang a, Pasian a um innkuan khat bek (mi giat) hong nungta bek hi. Noahte innkuan bek a nuntak hang in, luahsuk mawhna in NOahte innkuan sung ah thunei lai veve a hih man in, Noah pan in khang gukna hunciang in, Pasian thupiak kuamah in thudon lo in, Babel tausangpi hong lam uh a, Pasian hehna hong kibua suk in, leitung ah pau kibatlohna kamtuam hong ki pan hi. Adam pan in khangsawmna sang in Noah pan in khang gukna ah mite siazaw lai hi. Noah pan in Khangsawmna Abraham hunciang in, leitung mi khempeuh in Pasian phawk kha nawnlo in, Ni, Aksi, Kha, Tuipi, singkung, leh milim biazaw uh hi.
3. Innkuan tavuan kipiak beh: Mi khempeuh in Pasian khatbek upna phawk kha nawnlo in, a om laitak un Abraham bekbek in a nungta Pasian hong umkha hi. Pasian in Abraham a tenna khua pan in samkhia in, anungta Pasian khatbek om hi cih tangko ding leh a nuntakpih ding in, thupha leh thuciam na pia hi (Gen.12, 13 chs). Abraham in zi thum nei Sarah (zipi), Hagar (Sarah' sila), leh Keturah (Sarah sih khitciang in a neih a zikik)te a hi uh hi. Hih a zithumte suan sung pan in, Sarah tawh a tapa bek in gamh luah ding in Pasian in thupha pia hi, amin pen Isaac ahi hi. Isaac tawh Psian thuciamna na kizom suk hi.
4. Minam tavuan piakna: Isaac in zi khat bek nei in, a zi min pen Rebekah ahi hi. Zi khat bek aneih sungpan in, tapa nih (Esau leh Jacob) nei a, Pasian in Esau ka mudah a, Jacob ka it hi ci hi. Jacob in apa leh apu thupha ngah in, Pasian in Abraham leh Isaac tungah a kamciam khempeuh Jacob tungah kipsak hi. Jacob in apu Abraham mah bang in zi tampi (li) nei hi. Ahizongin, Pasian in mite tungah TANGKO TAVUAN apiakzia hong laih in, innkuan khat bek in leitung ah tangko nasep zo zolo ahih man in, minam khat ka bawl ding hi ci in, khensat hi. Tua ahih man in, Jacob zite (Leah, Rachel, Zilpah, Bilhah) pen bangzah ta in, mi ginalo ahizong in, Jacob tate khempeuh Pasian minam cihna ngah uh hi. Mawhna a neihvua leh zong thu hilh lel in, ama minam hihna pan in phiat nawntuanlo hi. Hih minam pen Israel minam ki ci a, Pasian in ka tapa upen (tacil) ci hi. Hih minamte tungah Pasian in a khut ngiat tawh a gelh thukhamte zong ap hi. Leitung ah Pasian khatbek upna a manthanlohna ding in, innkuan khatbek hinawnlo in, minam (gam khat) a teel a hi hi. Tua a minamte neih den ding, let den ding leh phawk den ding pen: "Israel mite aw, za un, na Topa Pasian in Topa khat bek a hi hi" (Deut.6:4; Mk.12:29). Hih pen na kawmtung vuah laisuan in na nei ding uh a, na taltang tungvuah na at ding uh hi, na suan le khakte uh tungah na hilh tawntung ding uh hi. Tua na Topa Pasian' na bek na sem ding uh a, na lungsim khempeuh, na hatna khempeuh uh tawh na it ding uh hi, ci thuah lai hi. Leitungah Pasian khat bek upna a nei Judaism, Christian (Pentecostal), leh Muslim te ih hi hi. Israel te pen, Pasian khatbek upna leitung ah a beilohna ding in, Pasian mahmah in a mawhnate uh maisak zawtham in a teel khiat minam a hi uh hi. Ahizong in, minam khat in leitung khempeuh ah hih upna thu TANGKO khia zotuanlo bekthamlo in, amau sung mahmah zong, tua Pasian bek um tuanlo in, milim biakna in ukcip ahih man in, minam khat bek tungah tavuan piak pen Pasian in hoihsa lo a hih man in, "Thukhunthak" (New Covenant) hong bawl hi. Tua thukhunthak pen mimal khat, minam khat, gam khat bek te thanemna hang a hihi.
5. Pawlpi hong ki phuhna: Pentecost ni (Acts 2) ciang in, Pasian in a thu nungta tangko khia ding in, mimal, innkuan, leh minam khat bek hi sazo nawnlo in, "Pawlpi" hong phut hi. Hih a phuh "PAWLPI" in leitung khempeuh ah vak kawikawi a, minam khempeuh tungah tua anungta Pasian khatbek om a, amah mah leitung ah hong si, kivui, thokik hi cih thu leh minam khempeuh tungah thukhen ding pa hi cih thu tangko khia ding in, pawlpi aphut a hihi. Pasian thukham pen Israel minam tungbek ah piak ahih laitak in, tua thukham kua mah in zui zolo ahih man in, thuciamna singkuang Pasian in mite musak nawnlo in selcip hi. Hih thuciamna singkuang pen Jerusalem khuathak biakinnpi sungah om kik hi cih Ezekiel in a vision ah mu hi. Tua thuciamna singkuang a ki muh kikma ciangdong, hih lungdamna thu leitung khempeuh ah ki tangko ding a, tua tangko ding in Pasian in Pawlpi a phuh ahihi. Hih thu pen thukhunlui kamsangte sung ah ki imcip a, tua pen "THUSIM" ki ci hi (Eph.3:3-10).
Thukhupna: Pentecost pawini (Acts 2) a, ki phut pawlpi in leitung khempeuh ah lungdamna thu tangko ding tavuan a nei a pawlpi ahi hi. Tua tangkona pen Jerusalem (Acts 2-4 chs), Judea gam sung (Acts 5-7 chs), Samaria mite sung (Acts 8-9 chs), leh Gentile (Acts 10 to present)mite sung ah ki tangko a, tuni dong in hih thu mah gen bel in a nei pawlpi pen Acts 2 Pawlpi a hihi. Pentecost pawi ni (Acts 2) a kiphut pawlpi pen a bulpi Zeisu hi a, Sawltakte in a zoptoh pawlpi zong kici hi (Eph.2:20-23). Sawltakte upna tawh a kibanglo pawlpi leitung ah tuhun in tam mahmah a, tua pen tang leh tahum pokhawm ih cih thu a hihi. Zeisu sutpi in pokhia a, Sawltakte in na zomto in mengkhia hi. Sawltakte tangko upna leh lungdamna thu (tavuan) pen Zeisu theihpih pawlpi khat, upna khat, tuiphumna khat, Khasiangtho khat bek a hihi (Eph.4:5). Email ading in, sau simsim hi mah taleh a vek in na sim man in nakpitak in lungdam hi. Innkuan min deihna tawh nasepna in, gah tawm gah lua ding hi, pawlpi khat hi na tawh mimal, innkuan, khua khat, minam, gam khempeuh pangkhawm in, hih "Tangko" nasep sem khawm ding in, Pasian in a pawlpi thupha hong pia semsem ta hen. Amen.
Note tawh a kibang hih Tangko Tavuan a nei,
Speaker: Rev. Dr. Suan Za Khup
Amun: Tabernacle of Joy Assembly, Yangon, Myanmar
Ani: Pentecost Day, June 12, 2011
UPC groups sunga Dr Suan Za Khup gelh bang lianin hong ki suaksak ahihi.
Thawn Tuang
Zomi Angvaan
http://zomi-angvaan.blogspot.com/
0 Comments
Nong simsak manin lungdam mahmah ing.