Topa khatbek/Tuiphumna khatbek

Tu hun pen mimal suahtakna leh aituam kalsuan zia a laan mahmah hun hi a, tuatawh ki zom in ih kha nuntakna tagah mahmah aa, mi tampi tak pawl lutna neimello in Bilpi bang thu um mi tampi piang khia khinta hi. Siapawl khat in ih teltheih ding thubaih nono pen a haksa mahmah in hong gen zaw lai uh hi.

Bangbang hileh Pasian thu ih up buang in Pasian Khat thu leh Tuiphumna thu ih kikum nuam hi. Lai Siangtho tawh na et khak pahpah inla, na telzawhna dingin thungen in.

Dotna leh donna bawl masa ni

Dotna 1. Pasian bangzah om hiam?
Dawnna: Na khempeuh a piangsak Pasian khat bek a om hi.

* Israel mite aw za un: TOPA i Pasian in TOPA khat bek ahihi. ( Thuhilhkikna 6:4),
* Thukham alian penin Israel mite aw, ngai un eite TOPA Pasian in Topa khat bek ahihi.( Mark 12:29)
* .......ahih hangin Pasian in khat bek ahihi.(Galati 3:20)

Dotna 2. Pa, Tapa, Khasiangtho thum gawm(Trinity) Pasian khat kici ahih manin Pasian thum mah pha hilo hiam?
Dawnna: Thum gawn Pasian(Trinity) cih kammal pen Laisiangtho lui leh athak sungah om kiuhkeuh lo hi.

Dotna 3. Tualeh Pa, Tapa, Khasiangtho cih kammal pen Laisiangtho sungah om maw leh?
Dawnna: Om ee, Pa, Tapa, Khasiangtho cih pen mituam ciat thum hilo in, Mi khat bek, nam thum a kilo ahihi.

Dotna 4. Tuabang ahihleh bang hun in Pa ki ci aa, bang hunin Tapa kici aa, bang hunin Khasiangtho kici hiam?
Dawnna: Hih Pa, Tapa, Khasiangtho pen Pasian a ki lawhna ahihi.

* Na khempeuh piansakna ah Pa kici hi.
* Leitung mite gum dinga hong paina ah Tapa kici hi.
* Vangliatna tawh a sep khiatna ah Khasiangtho kici hi. Tuhun laitak eite awh hong om khawmna ah Kha Siangtho tawh hong om khawm hi.

Pasian mi banga leitungah hong paina ah Tapa in hong suak a, a min Jesu kici hi(Matt 1:21). A ma sungah Pasian hihna ki cing om hi(Col 2:9).

1. Efe 4:5-6 Topa khat bek, upna khat bek, tuiphumna khat bek mah a zangkhawm ihi hi. Mi khempeuh' Pa ahi Pasian khat bek om a, mi khempeuh' Topa hi-in, na khempeuh hih kimin, mun citengah a om hi.
2. 1Cor 8:4-6...Eite adingin Pasian Khatbek, Pa khat bek aom hi.
3. Malakhi 2:10 Eite khempeuh in, eite hong piangsak pasian ahi Pa khat bek neih hilo ihihiam?
4. Sawl 2:38 Jesus khrih mintawh tui ki phum ciat un. Tua hileh Pasian piakkhong Khang Siangtho na ngah ding uh hi.
5. Rom 6:3,4 Khrih Jesu tawh ih ki pawl thieh na dingin a ki tuiphum eite in a ma sihna tawh si khawm tokik khawm i hihi.
6. 1Pet 3:21 Tui pen note a hong honkhia tuiphumna lim hi a, pumpi panin nin sawpkhiatna lim hiloin, Jesuh Khrih thawhkikna hangin lungsim siangthona dingin Pasian' tungah kamciamna lim ahi hi. Tua Jesuh thawhkikna in note hong honkhia ahi hi.
7. Col 2:12 Note tui na kiphum uh ciangin Jesuh tawh kiphum khawmin, misite' lak panin Khrih a thosak Pasian' vangliatna na up manun Khrih mah tawh tuiphumna panin a thokhawm leuleu na hi uh hi.
8. Mark 16:16 Lungdamna thu um in tui a ki phum peuhpeuh in hotkhiatna ngah ding aa, a umlo mi peuhpeuh in mawhsakna thuak ding uh hi.
9. 1John 5:6-8 Hih thu ah Teci a pang thum om aa, tuate in Khang Siangtho, Tui leh Sisan ahihi.
10. John 10:30 Kei le ka pa pum khat ka hi uh hi.
11. Thuhilhkikna 6:4 Israel te aw za un ih Topa Pasianin Topa khat bek ahihi.
12. Isaiah 9:6 Tapa khat hong kipia aa, tua in..Lamdang Thulakpa, Vanglian Pasian, Tawntung Pa, Nopsakna Kumpi," kici ding hi.
13. Luke 24:47 Jerusalem khua-a kipan minam khempeuh tungah a mawhna uh kisikin a kimaisakna ding thu, ama min tawh kihilh ding hi, ci-in kigelh hi.
14. John 16:12-15 Thu man hong lakding Khasiangtho hong tun ciang in thu khempeuh aman in hong hilh ding hi.
15. Thuhilhkikna 29:29 "Topa i Pasian in hong lahkhiat loh thusim om a, ahih hangin hih thukham sunga om thute khempeuh i zuih theihna dingin hong lakkhia a, eite leh i suan i khakte' zuih tawntung ding ahi hi.

Pasian in ih telzawh nangin thupha hong pia hen.

Thawn Tuang
Zomi Angvaan