Bul pat mahmah leng pute pate hunlai in Aksi nelkai tangthu na neih uh hi. Zolai sangah nidangin ki sin hi. "Aksi nel kai pen kum 75 halteh khat veita ki mu thei bek a, kum 1985 pawl in Tonzang ah sang ka kah un ka en ngeingai uhhi," cih Sia Cin Za Suan in Zomi Pentecostal Church, Nashville, Tennesse USA ah a athu genna panin ka telbeh hi. Aksi kiat kum ( 3-11-1884) leh Aksi nelkai a ki muhkum ki halna pen kum 101 sawt hi.
Zogam ah Lungdambawl 107 kim bang ki zanghta in ka lam-en hi. A hi zongin Lungdambawl leitung mihingten i zat theihna dingin BC 750 kim pawl in kamsang Isaiah tung tawnin-
"Bang hang hiam cih leh
eite-a' dingin naungek khat hong suak a,
eite' tungah tapa khat hong kipia hi.
Amah pen eite hong ukpa hi ding a, ama min pen
"Lamdang Thulakpa,
Vanglian Pasian,
Tawntung Pa,
Nopsakna Kumpi," kici ding hi.
Tuhuna kipanin a tawntungin
David kumpi tokhom tung leh
ama gamsungah
thutang leh thuman phutin,
a lian semsem ama ukna leh
nopsakna in mong neilo ding hi.
Vanglian Topa' deih luatna in
hih thu hong tungsak ding hi."Isaiah 9:6-7;
Hih bangin Jesu suahna ding na gen khol khin hi. Jesu hong suahzawh kum 1900 zawhteh Zogam ah ki zangh pan a, Jesu suahzawh kum 2011 a cinteh Zomiten leitung mun tuamtuam ah i zangh ziahziah ta hi. Ka lawp mahmah na khat ah lungdambawl a 107 kimbang Zomite sungah hong tun banah USA ah ka khat vei zatna ding ahih manin ka lawp pha deuh hi. Zogam Tuimang khua ah om leng tu a ka lawpna tawh ki bangin ka um kei hi.
Jesu suahna mun a muhna dingun mipilte Aksi lam hilhna tawh kalsuan uh a, mu takpi uh hi. Aksi lam sang mipil te ni suahna lam mite ahih manin ni tumna lam mite sang'in ki pilzaw hamtang hi a ci om hi. Ni suahna lam ah Zogam kuan paithei ding hiam. Ut ta kei leng miten hong gal muh bek in Ni suahna lam mite hong ci thei pah hi. En zong khenthei pah hi hang.
Jesu leitungah mi hing BANG in hong suak hi a, mi hing taktak hilo hi. Pasian ahih manin leitung mite tang dingin Si ki Vui, Tho kik in a ma mi pawlte honkhia, tankhia dingin hong kumsuk hi bek hi. A ma mipawlte sungah Zomite zong a ki hel, a ki hello pawl khat om lai ding hi. Na ki helnuam hiam. Na ki hel nop leh hong hon, hontan khia dinga, hong kumsuk Jesu um in, a thupiakte zuih kul hi. A thupiak te i gelh mannawn kei dinga, kan mahmah ni.
Lungdambawl kha cihpen leitung ci le sa adingin khuahun hoihloh pen hun hi. Singtehte phulh in, singgah om mello hi. Tua kawmkal ah Jesu hong suah kha pen leitungah a minthang penpen, i lungdam tawpna penpen kha ahihi. Jesu a um leh umlo mi khempeuh hih SuahNa hun limci tak in ki zangh nuam ciat hi.
Numei naupang ki deina a omte a phiat mai Jesu hong paina, nang le na innkuan sungah hong tung ciatta hen.
Lungdambawl nopna thupha....
Thawn Tuang
Zomi Angvaan
5 Dec 2011
Zogam ah Lungdambawl 107 kim bang ki zanghta in ka lam-en hi. A hi zongin Lungdambawl leitung mihingten i zat theihna dingin BC 750 kim pawl in kamsang Isaiah tung tawnin-
"Bang hang hiam cih leh
eite-a' dingin naungek khat hong suak a,
eite' tungah tapa khat hong kipia hi.
Amah pen eite hong ukpa hi ding a, ama min pen
"Lamdang Thulakpa,
Vanglian Pasian,
Tawntung Pa,
Nopsakna Kumpi," kici ding hi.
Tuhuna kipanin a tawntungin
David kumpi tokhom tung leh
ama gamsungah
thutang leh thuman phutin,
a lian semsem ama ukna leh
nopsakna in mong neilo ding hi.
Vanglian Topa' deih luatna in
hih thu hong tungsak ding hi."Isaiah 9:6-7;
Hih bangin Jesu suahna ding na gen khol khin hi. Jesu hong suahzawh kum 1900 zawhteh Zogam ah ki zangh pan a, Jesu suahzawh kum 2011 a cinteh Zomiten leitung mun tuamtuam ah i zangh ziahziah ta hi. Ka lawp mahmah na khat ah lungdambawl a 107 kimbang Zomite sungah hong tun banah USA ah ka khat vei zatna ding ahih manin ka lawp pha deuh hi. Zogam Tuimang khua ah om leng tu a ka lawpna tawh ki bangin ka um kei hi.
Jesu suahna mun a muhna dingun mipilte Aksi lam hilhna tawh kalsuan uh a, mu takpi uh hi. Aksi lam sang mipil te ni suahna lam mite ahih manin ni tumna lam mite sang'in ki pilzaw hamtang hi a ci om hi. Ni suahna lam ah Zogam kuan paithei ding hiam. Ut ta kei leng miten hong gal muh bek in Ni suahna lam mite hong ci thei pah hi. En zong khenthei pah hi hang.
Jesu leitungah mi hing BANG in hong suak hi a, mi hing taktak hilo hi. Pasian ahih manin leitung mite tang dingin Si ki Vui, Tho kik in a ma mi pawlte honkhia, tankhia dingin hong kumsuk hi bek hi. A ma mipawlte sungah Zomite zong a ki hel, a ki hello pawl khat om lai ding hi. Na ki helnuam hiam. Na ki hel nop leh hong hon, hontan khia dinga, hong kumsuk Jesu um in, a thupiakte zuih kul hi. A thupiak te i gelh mannawn kei dinga, kan mahmah ni.
Lungdambawl kha cihpen leitung ci le sa adingin khuahun hoihloh pen hun hi. Singtehte phulh in, singgah om mello hi. Tua kawmkal ah Jesu hong suah kha pen leitungah a minthang penpen, i lungdam tawpna penpen kha ahihi. Jesu a um leh umlo mi khempeuh hih SuahNa hun limci tak in ki zangh nuam ciat hi.
Numei naupang ki deina a omte a phiat mai Jesu hong paina, nang le na innkuan sungah hong tung ciatta hen.
Lungdambawl nopna thupha....
Thawn Tuang
Zomi Angvaan
5 Dec 2011
0 Comments
Nong simsak manin lungdam mahmah ing.