Muhdan,theihdan tampi ki tukalh mah taleh kei muhdan tuamtuamte kong gelh khia nuam hi.Innkuan khat ah lungsim namthum om ta in ka mu hi. Tuate in;
Khatna: Papi/Nupi kum 25tung siahte’ dinmun
Ihgam haksatna panin USA gam ki tung nuam mahmah in, ki tung takpi mai hi. Leivuilakpan thungetna tawh ih tupna ih sawmna te Topa'n hong theihpih, honggualzawhpih mahmah ka sa hi. Hih zah khop in ih gam ah ih om lai in Pilna,hauhna ngaihsunin, tumtakpi mai leng, bang tan hiam khat ki tung kha ngel in kalam-en hi. Kum 25 tung siahten ih gam ih lei, ki it mahmah, ih khua aa om pianpih laizomte,khua le tui minam pihte ki ngai mahmah hi. USA gam nuam i cihcih ki tung ciataa, tua mun-ah lungleng khua ngai, innlam huhnuam, pahpih nuam tamzaw hi. Ihlungsim a tamzaw USA ah om thei taktak lo...cih bangin a tuamtuam in om hi. Ihkhankhiatna Zogam leitang ahih manin Zomite khat peuhpeuh muleng ki nuamtuammahmah in, ki it mahmah mai hi. Hih bang dihmun ciang pen siat luatna om lo hi.
Nihna: Khangno kum 12-25 kikalte’ din mun
Hihkhangno tenpen tatdan ngeina namnih neih uhhi.
1. Zongeina pawlkhat thei kha uh ahih manin, tuate azuihloh ding alah piang theilo, zui nuam na pi a omna tawh ki tuak in sepnabawlna gamtatna om theilo hi. Nu le pa tetawh ki tamthuah om lo ahih maninngeina tawh kisai a theihsun uh maimang deuhdeuh hi. A hangin papi/nupi te USA ah om kip taktak ding cihngaihsun in, Zongeina te tawh sepna lakkhiatna om zolo ahih manin, khangno tena theihna sunsun uh manggilh pianpian uh hi.
2. USAgammi te tatdan a zui ding uhlah Zongeina pawlkhat, na thei laklawh uh ahihmanin pawlkhat zui in, pawlkhat zui thei taktak lo uh hi. Enleng om hamham maiuh hi. USA gamdan zuitak lo, Zongeina zui taklo, a kallak ah khangnote kiveivei mai uh hi. Hih bangte pawlpen ki panpih theihna taktak lah omlo, vaihaksa pi khat in ka ngaihsun mai hi.
Thumna:Naupang kum 12 nuai siahte’ dinmun
Nu le pa sanggamte hilh zong akullo khat in, nang pangten USA gam dan khat thei pahpah mai uh hi. Nu le patawh nainih aom khop sangin a lawmleh gual tawh minute 5bang aki tuah pak uhpen gamtatdan, paudan tampi zuito pah mai uh hi. Ka tapaKam Kham pen ei kamzong pau a kisin panpan hi na pi in, mikang pau No, No,..cihbangkhawng hong zangh pah malam hi. Innkuan sungah namdang pau ki zangh hetlo na pi-in,Biakinn ah alawm le gualte kampau pan tampi na theihlawh hiveh aw. Naupang pauki sinsin te zong, mikang pau a bil vuah lut thei pahpah hileh kilawm liang hi.Phatna lo inmaw. Hihte mailam adingin bangtanin na ngaihsut sak thei tam. Zopau bel phadawm ci ni, Zongeina te bang cihbangin a theitel uh tam.
A tawpna ah koi munmun ah ih omzongin Zongeina ih zuihding pawlkhat te tu hun aa, nupi, papi ten ih zatzatding ahihi. Gentehna: KhuaDo, ZomiNam Ni, Pu Zuukholh, Momanh gen, Mo pi na,..cihte a ki pan ih ngeina tawhkalsuanto leng a hunkhop khat Zomite gamdang ah ki om ta hih manin ki zanghthei mahmah in ka lam-en hi.
Nang! In, ih Ngeina na manggilhbawlleh na innkuan sungah nangbek mah mival na suak kha ding hi. Innkuan sungahmival na suah nop keileh tampi ngaihsut dingleh zuihding te sem ngam in, zangh to ciat ni.
Lungdam ing. Deihsak luat maninka kumtawh kituaklo khat in hong hang pian maw ing ei.
Thawn Tuang
Zomi Angvaan
9 Oct 2011
Khatna: Papi/Nupi kum 25tung siahte’ dinmun
Ihgam haksatna panin USA gam ki tung nuam mahmah in, ki tung takpi mai hi. Leivuilakpan thungetna tawh ih tupna ih sawmna te Topa'n hong theihpih, honggualzawhpih mahmah ka sa hi. Hih zah khop in ih gam ah ih om lai in Pilna,hauhna ngaihsunin, tumtakpi mai leng, bang tan hiam khat ki tung kha ngel in kalam-en hi. Kum 25 tung siahten ih gam ih lei, ki it mahmah, ih khua aa om pianpih laizomte,khua le tui minam pihte ki ngai mahmah hi. USA gam nuam i cihcih ki tung ciataa, tua mun-ah lungleng khua ngai, innlam huhnuam, pahpih nuam tamzaw hi. Ihlungsim a tamzaw USA ah om thei taktak lo...cih bangin a tuamtuam in om hi. Ihkhankhiatna Zogam leitang ahih manin Zomite khat peuhpeuh muleng ki nuamtuammahmah in, ki it mahmah mai hi. Hih bang dihmun ciang pen siat luatna om lo hi.
Nihna: Khangno kum 12-25 kikalte’ din mun
Hihkhangno tenpen tatdan ngeina namnih neih uhhi.
1. Zongeina pawlkhat thei kha uh ahih manin, tuate azuihloh ding alah piang theilo, zui nuam na pi a omna tawh ki tuak in sepnabawlna gamtatna om theilo hi. Nu le pa tetawh ki tamthuah om lo ahih maninngeina tawh kisai a theihsun uh maimang deuhdeuh hi. A hangin papi/nupi te USA ah om kip taktak ding cihngaihsun in, Zongeina te tawh sepna lakkhiatna om zolo ahih manin, khangno tena theihna sunsun uh manggilh pianpian uh hi.
2. USAgammi te tatdan a zui ding uhlah Zongeina pawlkhat, na thei laklawh uh ahihmanin pawlkhat zui in, pawlkhat zui thei taktak lo uh hi. Enleng om hamham maiuh hi. USA gamdan zuitak lo, Zongeina zui taklo, a kallak ah khangnote kiveivei mai uh hi. Hih bangte pawlpen ki panpih theihna taktak lah omlo, vaihaksa pi khat in ka ngaihsun mai hi.
Thumna:Naupang kum 12 nuai siahte’ dinmun
Nu le pa sanggamte hilh zong akullo khat in, nang pangten USA gam dan khat thei pahpah mai uh hi. Nu le patawh nainih aom khop sangin a lawmleh gual tawh minute 5bang aki tuah pak uhpen gamtatdan, paudan tampi zuito pah mai uh hi. Ka tapaKam Kham pen ei kamzong pau a kisin panpan hi na pi in, mikang pau No, No,..cihbangkhawng hong zangh pah malam hi. Innkuan sungah namdang pau ki zangh hetlo na pi-in,Biakinn ah alawm le gualte kampau pan tampi na theihlawh hiveh aw. Naupang pauki sinsin te zong, mikang pau a bil vuah lut thei pahpah hileh kilawm liang hi.Phatna lo inmaw. Hihte mailam adingin bangtanin na ngaihsut sak thei tam. Zopau bel phadawm ci ni, Zongeina te bang cihbangin a theitel uh tam.
A tawpna ah koi munmun ah ih omzongin Zongeina ih zuihding pawlkhat te tu hun aa, nupi, papi ten ih zatzatding ahihi. Gentehna: KhuaDo, ZomiNam Ni, Pu Zuukholh, Momanh gen, Mo pi na,..cihte a ki pan ih ngeina tawhkalsuanto leng a hunkhop khat Zomite gamdang ah ki om ta hih manin ki zanghthei mahmah in ka lam-en hi.
Nang! In, ih Ngeina na manggilhbawlleh na innkuan sungah nangbek mah mival na suak kha ding hi. Innkuan sungahmival na suah nop keileh tampi ngaihsut dingleh zuihding te sem ngam in, zangh to ciat ni.
Lungdam ing. Deihsak luat maninka kumtawh kituaklo khat in hong hang pian maw ing ei.
Thawn Tuang
Zomi Angvaan
9 Oct 2011
0 Comments
Nong simsak manin lungdam mahmah ing.