Ki Deihsak Na

Zomiten pen thu khat peuhpeuh ah mite adeihsak pha diakte ihihi. A hi
zongin i deihsak mite ih thu hilhdan manlo lua hi. Sia Job Thawngno
in, " ih ki pilsak keileh ahaisa in a piang ihihi, " cih a gen pen
bulphut luat ding hi samlo hi. Thu a hilh mi khat in ki pilsakna tawh
thu ahilhpen a sangsiam ding sang'in ki muhdahna peuh piangsak zaw a,
ki langpan sak zawsop theih hi.

Thuhunteh deihsakna tawh ki thuhilh ngutngut pen mi tampi in sang
theilo hi. A hilh mite in kong deihsakna a cih hangin mawhna neucik
khat mite theih dingin a pholak nuamzaw tam theizaw hi. Mi mai ah, mi
tampi mai ah na Tate amin lo in, na deih sakna tawh thuhilh gamgam in,
tai gamgam lecin na Taten bang cih thuman ding hiam? Tuabek zong hilo
hong mu miten na deihsakna tawh na Ta na thuhilhdan hong mu uhteh na
Ta thumanlohna sangin na Thuhilhdan haivai sa bek hilo in, hong hai
muhzaw lai ding uhi. Deihsakna zong deihsakna taktak a neih ding
baihlo kawmkal ah theih ngeilo mite kiangah kong deihsakna tawh cihpen
thuman le thumanlo a zangh mi ki thei mahmah hi.

Mi khat a lawmpa inn ah zingsangin vahawh a, a hawhlai tak in a lawmpa
a zi in na taitai, a lawmpa a om pi mahin a zi in khawl theilo liangin
a pasal taitai hi. A tawpna ah a lengla pa in a lawmpa a zi sim mawhna
a muhteh deihsak luat manin a lawmpa zi thu ahilhleh ki hehsuah gawp
uh a, a lengla pa na khut khial liang hi. Hih zah dongin adeihsak luat
manin a lawmpa zi tawh ki totlawh zazen in a om ciangin Ki Deihsak Na
pen kuamah in sang zolo ta hi. Inn kim innpam tenzong sang zolo lai
hi.

Ki Deihsa Na taktak tawh ki thuhilh pen ih theihsa hi a, na deihsakna
na zat takpi ding mah hi a, zatsiam ding bek ki sin ding ahihi.
Deihsakna ka neih hi ci na pi in mite lak ah a thuhilh lualua ciangin
a deihsakna a zatna ding mun, a hun a theilo luat ciangin miten sang
zolo uh hi.

Ki Deihsak Na zatding leh neih ngiat ding hi a, zatsiam ding ahihi.
Nangzong na nek nopnop an te Ki Deihsak Na tawh mite pia in.

Thawn Tuang
Zomi Angvaan
7 Jan 2012