Pa ki theilo Ta a om phialzongin, Nu a ki theilo Ta om ngeilo hi. Naungek i et ciangin a Nu tawh omhamtang hi. Mi pilten hong suak naungek a muh uh ciangin a Nu tawh na om khawmhi. Pa nawizuu tawh a khangkhia mihingom ngeilo a, Nu nawizuu tawh ki khangkhia zaw hi. Tuun' Nu Nang Lo In ka mihingnuntak khuasak ka ki pan theikei uhhi. Ka muh theih ka Pasian ka Tuun leh Zuabek mah hi. Tuun leh Zua it masa lo in adang na khempeuh ka it masak aleh kazuaupi hilel hi.
Nu anglum panin a khang khiamikhat Nu it na mel theilo, a phawk khalo om ngeilo ding hi. Nu sung panin apiang mikhat, a hau a zawng, a pil a hai zongin Nu aa ihi a, Nu hong itna kiamngeilo hi. Nu anglum pan khangkhia na piin, a liatzawh, pasal/zi a neihzawh a Nu itna a phawk khalo te thupha a ngahtazongin ama khang ciang bek khomin, a tu a ta dingte kuaman hampha sa hetlo dinguh hi. Cih nopna ah Nute hong itna zah i thuk khik zawh ngeiloh ding hanginNute tungah i itna i lungdamna i lak thei ding leh i lungkim sak ding vai thupiin ih hanciam ding ahihi. Kei tawh ki bangin Nu in a dampih te ading ka cihnahi.
Ka Nu in a aw' nem tawh bawiaw, tawng aw, bem aw, ngaih aw cih hong sapna aw' ka nuntak sung manggilh theihding hilo hi. Nu cih kammal khum zungzung a, ki kham theilo hi. Nu aw cih dinga tawntung in omlo ding a, Nu aw' khum i zaknop mahmah hangin i zak khak lohhun om hamtang ding a, i sap nop hangin i sap theihloh hun hong om ding hi.
Ka Nu mite’ ading bang mahpiahihloh hangin kei adingin leitungah aman’ pha pen ahihi. Nu tawh a khang khiamite leitungah hamphatna namkhat mah hi a, Nu tawh a khang khialo ka Nute pawl dan pen leitungah kamsiatnanam khat hi dingin ka um hi. Khualzin gamvak in ka om ciangin inn ka tun kiktehTuun’ Nu om keileh ih inn khing/dai tang hialzo ka sa hi.
Leitungah Nute’ a it huaisemsem dan leh a ki tangsap dan mi khempeuh in kiphawk ciat ih hih manin tukum2012 May 13 in hun nuamtak in NUTE’ NI ih zangh kik hi.
La hoih ka sak khai in: http://www.youtube.com/watch?v=iG-bqNkDDwY
Nute’ Ni thupha……..
Thawn Tuang
Zomi Angvaan
http://zomi-angvaan.blogspot.com/
13 May 2012
Nu anglum panin a khang khiamikhat Nu it na mel theilo, a phawk khalo om ngeilo ding hi. Nu sung panin apiang mikhat, a hau a zawng, a pil a hai zongin Nu aa ihi a, Nu hong itna kiamngeilo hi. Nu anglum pan khangkhia na piin, a liatzawh, pasal/zi a neihzawh a Nu itna a phawk khalo te thupha a ngahtazongin ama khang ciang bek khomin, a tu a ta dingte kuaman hampha sa hetlo dinguh hi. Cih nopna ah Nute hong itna zah i thuk khik zawh ngeiloh ding hanginNute tungah i itna i lungdamna i lak thei ding leh i lungkim sak ding vai thupiin ih hanciam ding ahihi. Kei tawh ki bangin Nu in a dampih te ading ka cihnahi.
Ka Nu in a aw' nem tawh bawiaw, tawng aw, bem aw, ngaih aw cih hong sapna aw' ka nuntak sung manggilh theihding hilo hi. Nu cih kammal khum zungzung a, ki kham theilo hi. Nu aw cih dinga tawntung in omlo ding a, Nu aw' khum i zaknop mahmah hangin i zak khak lohhun om hamtang ding a, i sap nop hangin i sap theihloh hun hong om ding hi.
Ka Nu mite’ ading bang mahpiahihloh hangin kei adingin leitungah aman’ pha pen ahihi. Nu tawh a khang khiamite leitungah hamphatna namkhat mah hi a, Nu tawh a khang khialo ka Nute pawl dan pen leitungah kamsiatnanam khat hi dingin ka um hi. Khualzin gamvak in ka om ciangin inn ka tun kiktehTuun’ Nu om keileh ih inn khing/dai tang hialzo ka sa hi.
Leitungah Nute’ a it huaisemsem dan leh a ki tangsap dan mi khempeuh in kiphawk ciat ih hih manin tukum2012 May 13 in hun nuamtak in NUTE’ NI ih zangh kik hi.
La hoih ka sak khai in: http://www.youtube.com/watch?v=iG-bqNkDDwY
Nute’ Ni thupha……..
Thawn Tuang
Zomi Angvaan
http://zomi-angvaan.blogspot.com/
13 May 2012
0 Comments
Nong simsak manin lungdam mahmah ing.