Zomi Nupi Papi Thu No.1

Pute pate hunlai leh tuhun Nupi Papite bang cih ki lamdang aa, bang cih
bangin innkuan sung ah gamta uh hiam cihte ki kumto ding hi hang. Hih
bang ka gen ciangin a hoihlo bekbek hisam lo aa, ngaihsutna pawlkhatte ki
kumto in, a hoihzaw in la in zanghto leng cih ka deihna tawh keitheih
sunsunhong gelhto nuam ing.
Pute pate hunlai:
Inn sung nasep peuhmah pasalte' in sep a sawm ngiatlo Zomite ihihi. Innsung
nasep ka cihteh An huan, zuulup, innphiat, kuangsawp, puansawp aa ki panin
Pasal ten Numei nasep bek in ih ngaihsun hi. Zite damkei leh zong sep a
sawm paklo pawl ki hilai hi. Pasal in hih bang nasem leh zi lel, zi thuthu
in a gamta cih in ki mu thei lai hi. Zi lel, zi zolo, zi thumang cih
peuhmah Zomi pasalte zakdah pen ahihi( *a zi lel pente na leng*).

Numeite Ansu sak, vaitun zuu ding vaimim susak, sawpsak, um
sak/bilhsak, lo kuan
vaitun ciangin abaihsa in zuu a ang ah pia, a zuuteep a tui beileh a ngei
aa tui om na pi, a zi kiangah zuu tuinih oh..beita ei ci lai, mei ngei ah
om pempam in anbel heiding na leng zite a buai mahmah pen samsam lai cihzah
dongin  sem uhhi.
Nausuak leh puansawp ding haksa sa, innlak aa numeite maw, zite nu te maw
asanggamte sam in puansawpsak cih zahdongin pasalte ki om hi. Ei sung panin a
piang tate ahih hangin nau anpiak, nau kepding pen haksa asa
vanvan om lai hi. Zite damlo nau in zun a thak khak ciangin a puan
laihsak ding ut om theilai hi.
Lokuan ciangin a pailam kuanbaihsak, sing tomsak, a ciahciangin anteh
pawlkhat leh sing puasak hilai hi. Tua khawmkhawm in tuibuuk tepsak hilai
hi. Inn a tunteh anhuan, tuitawi leuleu, tuakal in pasal ten vaitun zuu tep
hiathiat lel cihdan hi. Nitak an nek khitciang pasalte alup khitteh
numeite lumpan, zing thobaih  mahmah hilai hi. Numeite buaidan
tampitak om lai hi.
Tuhun Nupi Papite:
Pasal ten zi te sepzah mah sepding, sum leh paai zi lamte leh pasal
lamte 100% ki bangin piading cihte zomding...
(a ban zoplai ding..)

Thawn Tuang
Zomi Angvaan
http://zomi-angvaan.blogspot.com/
2 Jan 2012