CIAMNUIH LAIBU

Ciamnuih a bawl siamte a khuak uh ahat ban-ah ciimna namkhat hi ci in ka thei hi. Ciamnuih cihteh mimal ki ko na peuh a gen, mi omdan hoihlo teng peuh a ciing cihte Ciamnuih siam kici thei lo hi. Ciamnuih siam cihteh mite a lungnuamsak ding kammal zang, ki itna ki puahphatna a piangsak thei kammal hoih te zang...cihte ahihi.

Ciamnuih Laibu hong bawl khia pen T. Sawm Lian ( sawmlianthomte09@gmail.com) hi aa, ka ngah nailoh hangin a Laibu Cover ka muh phet in ka lungnuam pah mai hiveh aw. Cihdan siam kasa mahmah hi. A ma cihna ah:

C- Cidamna

I  - Itna

A - Angtanhuai

M - Maitaina

N -Nuihna

U - U leh nau

I - I vekpi a

H - Hehna vengsak

ahih manin sim inla,

na simna tungtawnin thei in.

Na theihna hangin nui inla,

na nuihna tungtawnin maitai in.

Na maitaina hangin mi tawh kilem inla,

mi tawh na ki lemna tungtawnin lungnuam in.

Tua hi leh,

na lungnopna hangin na cidam ding hi.

Na mukah lungdam nuihna

hong omsak ding a,

na kam sungah lungdam-a kikona hong om sak ding hi.

Job 8:21

Hong bawl khia T. Sawm Lian tungah ih lungdam mahmah hi. Gamdang mun tuamtuam ah hong puak leh deih mahmah hang.

Thupi a sa leh adeih.....

Thawn Tuang

Zomi Angvaan

http://www.zomi-angvaan.blogspot.com/