Chin cih min tawh party Kawl
kumpi tungah a ten uh ngah hi. A mau tua Chin cih mintawh ' tanh' hamphatna
ngah ding uh hi. Phamawh kei, buaipih kei phot ni. Zomiten zong Zomi min tawh
party khat in Kawl kumpi tungah i ten ngah takpi hang. Zomi min tawh ' tanh '
hamphatna ki ngah theita hi. Tanh a ngah ding ki panpan ta hang a, huai hamsawm
pahpah keini. Kip tak in ih ngah dending thupi hi.
Kumpiten amawkna in nek leh dawn leinang hong pia khin na pi, silh leh teen leinangzong hong pialeh a ci toto nuam pahte hi hang. Ih ngah ding ' tanh' ih ngah den ding thupi hi.
Kumpiten amawkna in nek leh dawn leinang hong pia khin na pi, silh leh teen leinangzong hong pialeh a ci toto nuam pahte hi hang. Ih ngah ding ' tanh' ih ngah den ding thupi hi.
Chin State bup sungah minam
tuamtuam om hi. Tua minam te sungah Zomi ten ih ngah ding uh hamphatna pen ih
minam min tawh ki ngah theita hi. Hakha, Falam, Matu ten amau minam min ciat uh
tawh a ngah dinguh deihsak lai hang. Ei mite bek Pasian in hong bawlsamlo
aiteh.
Zomi te numei pasal deihdan
omlo leitung muhphet bil ki vuhsak hun omhi. Hun hong paito numeite bek bil ki
vut in pasal te bil ki vutloh hun om leuleu hi. Ki ciaptehna namkhat ciat i
neih aa, a kipding thupi bek hi.
Zomi Nam omlo hi cih Lai ah
gelhlo uh a, kam tawh hong pulak uh a, a kam mah uh tawh Zomi Nam om mah hi cih
Kawl kumpiten na ci uh hi.
Zomiten i ngah ding hamphatna a
hi bangin ' tanh ' i ngah kim zawhna dingin pan khopna kisam hi. Pan khopno lo
tawh ' tanh pi ' hamphatna pi taktak ki ngahzolo ding hi.
Bang ci bangin pang khawm ding:
1. Zomi mintawh nasemten a
panmun uh ki cianin a mipihte hong theisak ding....
2. A kua mapeuh tangtatna leh zuauthu peuhmah
tawh gamta lo ding....
3. Gam tuamtuam aten khasim in
sum leh neihsa tawh pang den ding..
4. A sem a bawlten mipihte
tungah sepna leh geelna zasak den ding...
5. A pia khia lamten gam a
nasemte gal khat panin hawmthawhna tawh saibawl lo zaw in, thapiakna leh
ngaihsutna hoih piazaw ding...
6. A sem a bawlten mite
ngaihsutna piakte thupi simsak in ahoihzaw ding cih a tel nak uhleh sem takpi
ngam ding...
Thu hoihtawh ahoihlo tawh thu
ih zak khempeuh ki pawlna min tawh ki kupna in thu gen khia leng hoih pen kha
ding hi.
Zomibup in TANHPI ngah ding a
lung gulh…
Thawn Tuang
Zomi Angvaan
0 Comments
Nong simsak manin lungdam mahmah ing.