Phoneline Tower Zogam

Huih lak ki hopih theina GSM phone company te in Zogam mun tuamtuam ah
Phoneline Tower phungpi phut kawikawi nuam uh ahih manin a phutna ding
mun a zon laitak uh ahihi. Tuni ciangciang Zogam mun a tamzaw in India
lam phone vive ih zang hi. Gamdang tawh ki zopna man lang tuam mahmah
ban-ah mel ki mu lo bekbek khua sung khat aom khawm mahmah ki bang hi.


 Tedim panin  Cikha gam Malkual a ding Phone line a hoih penpen na mun
GSM phone company ten gam limtawh munhoih a zon kawmkawm un hong pai
tohtoh uh leh Tuimang khua na tung  uhi. GSM phone company ten Tedim a
te tawh Computer in huih lak lampi a zon tuah uh ciangin  Tuimang
khuasung Mangbuuk tual ki cihna mun phonline Tower phuhna ding a line
hoih mahmah hong mukhia  uh hi.  Tua mun-ah Phone Tower pi phut ding
hong kul tak ciangin Biak inn huang nei Tuiphum te kiangah  kha khat
in Tein khat tawh sap ding ngen uh a, Tuiphum Pawlpi te zong kikum in
ei khua a ding bek hilo a,  Malkual a ding hi mawk ahih manin phal ni,
ci in kiho uh hi.  Hong sep taktak uh ciangin Lai kician( letmat
Sachoh)  bawl lai ding dan uh hi. Hong phut taktak uhleh Malkual Cikha
kual adingin nuamtuam mahmah ding hi. Hih hun teh gamdang kiho man
zong hong kiam hun tawh kituak dingin ki lam-en hi. Sia Haupu Kawlpi
tung panin a galzak dan Zogam thuthak khat aiteh ci-in hong phuahpha
in kong khaksawn hi.

Kawlgam kalsuan zia aki khelkhel keileh Zogam hoihna a ngei bang kik
ding hi. Zogam pallun ih bat cihcih hong nai mahmah ta ei.

Thawn Tuang
Zomi Angvaan
Jan 18, 2013