Zomi Khangno Tg.Lampi (Dal Lam Mang) Myew Uk Dai Khan Pau (Late) le Nu Ciin Ngaih Mante tapa neupen in US Student visa Yangoon panin Dec 26 2012 ni-in Th.M sin theihna ding hong ngah ahih manin lungdam pihna kong pulak hi. A sinna ding sang pen Southern Baptist Theological Seminary Louisville, KY hi.
S.Korea panin sang a zawh ciangin Kawlgam hong ciah aa, Yangoon a om Youth Pastor- Joy Assembly, Yangon ah fulltime minister le LST sang’ mun thum khawng ah part-time lecturer ci taktak in sem hi.
Sia Lampi Kawlgam pan Bangkok, Thailand ah hong lengin, tuapan tunung 12/1/2013 ni'n a Nute omna Malaysia ,Klangah hong tunga, 16/1/2013ni 11pm(Malaysia hun)hun in US ah a sangkah nang mun zuanin leng khia leuleu hi.
Jan 17, 2013 in Denver, US cidamin tak in na tung hi. Ih thungetna te hong dawng Pasian tungah lungdam mahmah hang. Zomi Khangno Sia Lampi in Th.M ciang bek hilo in Ph.D zong hong gualzawhna dingin lunggulhpih mahmah hang.
Lungdampihna tawh thupuak
Thawn Tuang
Zomi Angvaan
Nashville, TN USA
Jan 20, 2013
0 Comments
Nong simsak manin lungdam mahmah ing.