Cidamna ding, “ Iodide Ci”

Hebrew minam te ngeina leh upna ah naupang a suak tungkhat Ci zut mang uh hi. Tua-in a khan tawntung natna in sukha lo ding cidam ding cih a ngaihsutna uh hi.

 

Arab minam ten nang leh kei ki it tawntung ni Zawl ki hi ni a cih tang’in ih ki kal ah Ci om hi ci paunak na neih uhhi. Itna lahna hi.

 

Iran minam ten a pahtak huai a it huai te a cih nop uh ciangin Lava ci uh hi.

 

Tanglai Greek minamte leuleu amau milim biakna nek theih tuamtuamte lak ah Ci zong ki hel hi ci hi.

 

Leitung laizang aa teengte in Ci pen kamphatna hi ci in ngaihsun uh ahih manin innthak a lut ding uh ciangin inn keutengah Ci theh kawikawi uh hi.

 

Jews minam te in khat leh khat ki ciamna a neih uh ciangin a khutsung uh ah hum uh aa, a langh tungah ciampel ken maw ci in ki pia uh hi. Ki muanna lahna hi.

 

Germany minam ten Ci pianna pen mun Siangtho ci uh hi.

 

Latin ten Saraliam na ci uh hi, tua pen Salt Money ci uh hi. Tua panin hong pai suk i Mangkang ten Saraly a cih uh pen Latin kam Saraliam in  hong piang ahihi. Zomiten  Khasum sang i ci uh hi.

 

Zomi ten C = Ci omlo Sa limlo ih ci uh hi.

 

Iodide Ci pen khuak hoihsak in, Tawlbawk natna dal hi.

 

Sungkhak hi aa, sungtholh nuamten tuilum sungah Ci khia suk in dawn gawp leh sungtholh sak hi. Sungtholh lua thabei ten Ci tui bawl in dawn le uh tha neihsak leuleu hi.

 

Tu hun IT hun ahih manin khuaksat mahmah aa Iodide Ci  nek ding ki sam mahmah hi ci hi.

 

Ahi zongin Sikhang a thaulua ten Ci nek ki dop huai hi. Ci nek hoih hi ihcih hangin tampipi ne pah ding cihna hilo aa,  Ci a ne veve khuak ahoihsak namte nek hoih hi cih nopna ahihi.

 

Iodide Ci in khuak siangsak, khuak hoihsak, thuman musak ci hi.

 

Iodide ci ih nekma mihingte khuak pen ih nekzawh mihing te khuak pen ki lamdang mahmah hi ci hi.

 

Zomi minam ki hi na pi-in namdang min khat tawh hong kisap pakna pen minam min hizaw, tangzaizaw hi a ci tentente pen telsiam huai mahmah ta hi. Bang hang hiam cihleh amau hunin Iodide Ci piang kha nailo ahih manin a khuak uh sianglo, thuman musak lo, a khuak nasepna uh manlo hilel hi. No mau hunin Iodide Ci omlo hiven maw ciziau ding dan hi.

 

Dr.J.M Paupu in a ki thehthang Zomite’ thu a genna lak ah Korea minamte pen gamdang aa piang taktak te in a pianna gam uh leh aminam uh kanciam pha mahmah uh hi ci hi. Iodide Ci a nek manun a mau minam min kamciannuam, telciamnuam oh hiam ka cihtha suak peuh mah hi. Iodide Ci a ne Zomi khempeuh in ka minam min Zomi hi veh ee cih ih tel kei leh Iodide ci tampipi na ne lai deuh oo cih nophuai phial hi.

 

Pumpi cidamna ding bek hilo Khuak ahoihsak namte nekding leh leiding ka deihna tawh…

 

 

Thawn Tuang

Zomi Angvaan

Ka Laikung panin::http://zomi-angvaan.blogspot.com/

May 21, 2013