USA gam sungah Music City aki ci liang ahi Nashville, Tennesse pen Zomiten “Tenna ding hoih”, ci-in a tung masa ten min na phuak uh hi. Bang hang hiam cihleh:
· USA gam sungah Pasian thu um tampi aomna khua ahih aban-ah Biakinn tampen na khua hi.
· Lasiam/Music siam minthang Michael Smith cihte leh adang tampite tenna khua hi.
· Sang kahna dingin ahoihna khua hi.
· Zato zong aom na khua hi.
· Khuahun zong khat bek pha a ci zong om liang hi nuam mahmah hi.
· Mivom melvom tam hetlo hi. Mikang melkang tamzaw hi.
· Kum 2012 ciangciang Zomi 500/600 kim kipha ta hi. Ni sim phial in ki behlap toto lai hi.
· Lasiam/Music lunglut, khuahun hoih, zato hoih, sangkahna hoih alunggulh khangno te adingin Nashville, Tennesee ah hong teeng un.
Dr. Do Kham leh Family Gospel te March 9, 2013 ni-in hong tung ding uhhi. Family Gospel ih cih pen:
· Pa Thawng Lian Kam ( Lun San pa )· Kimpi
· Sangi
· Amau innkuan pen Family Gospel taktak ahi uh hi.
Hun zatna ding tuamtuam te:
· Shalom Apostolic Church ( Zomi Biakinn) ah March 9, 2013 (Sat) Ki ginni tak in zangh ding uh hi.· Lasiam minthang Michael Smith Mikang pawlpi ah March 10, 2013 ( Sun ) Nipi ni zingsang in zangh ding uh hi.
· Zomi Christian Church ( Zomi Biakinn) ah March 10, 2013 ( Sun ) Nitak lam 2:00pm hun in zangh ding uhhi.
· Zomi Pentecostal Church ( Zomi Biakinn ) ah March 10, 2013 ( Sun ) Nipi ni tak 7:00pm hun in zangh ding uh hi.
Lun San pa zong Kawlgam lam maikal sung khawng in ciah dingta ding aa, Kimpi leh Sangi te zong asang kahna maban uh zomto ding uh hih manin Gospel hong pai kik hun ding uh sawt kha ding hi. Khuakim khuapam akhua mapeuh Pasian phatna te ah hong ki helnuam aom khak leh ci in hong tang ko khia ing.
Pasian phat khawm, Zaila hawikhawm dih ni…
Thawn Tuang
Zomi Angvaan
March 7, 2013
0 Comments
Nong simsak manin lungdam mahmah ing.