Sangkah maban neih Kawlgam sunga teeng Zomite thei ding leh Zomi hamphatna khat ci in hih bang nasepna minam ading a ki tangsam Pilna masawn nuam ki behlap toto ahih manin ka lungdamna leh hih bangin Zomite ading bek mah ageel asemte thupisa ka hih manin tangko kikkik leng khilhluatna om peuh mah ding ahiam cih ngaihsun in thukim luatna tawh siamta keileng kei deih tawk tak in a tom thei penin ka pulak nuam tantan hi.
July 26-28, 2013 in USA gam Florida ah Zomi Baptist Churches of America Khawmpi om aa, tua sungah Zomi ahih nakleh Tan 10 All D ngah aom leh lungdampihna pahtawina Kawlgam sumin Teng Sawm( 1,000,000.00) piak ding thu khensatna neih uh aa, Pawlpi deidanlo Zomi ahih nakleh ci ngeu uh ahih manin nak takpi in Zomibup adingin lungdam huai thu khat hong suak ban-ah tukum laisim kum 2012-2013 Thalmual khua Pa Vungh Suan Lian tanu Lia Thang Biak Mawi (RC Pawlpi) leh Kaptel khua Pa Khual Kam tanu Lia Niang Sian Huai ( Emmanuel Baptist church, Kawpi) mikhat Teng Sawm tawh pahtawina lungdampihna na pia khin uh aa, tua bek hilo mun tuamtuam panin lungdampihna Zomi Nam Network panin Zomi akici ten ki pulak ngeingai aa, kei bangin zong ka lungdampihna ka pulak kha hi.
ZBCA te bek hilo Kalaymyo panin minam ading nasem ZYA tenzong na sia tak in pahtawina na pia uh aa, tualo ki pawlna tuamtuam panin lungdam luatna thuleh pahtawina ki neih ziahziah ahih manin Sangkah ding maban aneih Zotaang Zolia te ading bek hilo, a pianna Nu le Pa te adingin Tate pattah taak semsem ahihna hong ki lang mahmah aa, Tapil a neihte a minampih Zomiten pahtawina piaksak lailai ding cihpen kua adah om peuh mah ding ahiam cih ka ngaihsun thei mahmah zel aa, pahtawina a ngah thei ding mite pilna lam ah amasawn thei ding khempeuh in kalsuan pih in sum leh paai ah tha pia to semsem leng Zomi Zogam a pauh a zuun hi pahpah lo hiam cih ka ngaihsunsun hi.
July 26-28, 2013 in USA gam Florida ah Zomi Baptist Churches of America Khawmpi om aa, tua sungah Zomi ahih nakleh Tan 10 All D ngah aom leh lungdampihna pahtawina Kawlgam sumin Teng Sawm( 1,000,000.00) piak ding thu khensatna neih uh aa, Pawlpi deidanlo Zomi ahih nakleh ci ngeu uh ahih manin nak takpi in Zomibup adingin lungdam huai thu khat hong suak ban-ah tukum laisim kum 2012-2013 Thalmual khua Pa Vungh Suan Lian tanu Lia Thang Biak Mawi (RC Pawlpi) leh Kaptel khua Pa Khual Kam tanu Lia Niang Sian Huai ( Emmanuel Baptist church, Kawpi) mikhat Teng Sawm tawh pahtawina lungdampihna na pia khin uh aa, tua bek hilo mun tuamtuam panin lungdampihna Zomi Nam Network panin Zomi akici ten ki pulak ngeingai aa, kei bangin zong ka lungdampihna ka pulak kha hi.
ZBCA te bek hilo Kalaymyo panin minam ading nasem ZYA tenzong na sia tak in pahtawina na pia uh aa, tualo ki pawlna tuamtuam panin lungdam luatna thuleh pahtawina ki neih ziahziah ahih manin Sangkah ding maban aneih Zotaang Zolia te ading bek hilo, a pianna Nu le Pa te adingin Tate pattah taak semsem ahihna hong ki lang mahmah aa, Tapil a neihte a minampih Zomiten pahtawina piaksak lailai ding cihpen kua adah om peuh mah ding ahiam cih ka ngaihsun thei mahmah zel aa, pahtawina a ngah thei ding mite pilna lam ah amasawn thei ding khempeuh in kalsuan pih in sum leh paai ah tha pia to semsem leng Zomi Zogam a pauh a zuun hi pahpah lo hiam cih ka ngaihsunsun hi.
Minam ading nasepna masawn hong ki behlap manin nak takpi ka lungdamna tawh thu kong puak sawn kikkik hi.
Thupi sa ngiat ing.
Thawn Tuang
Zomi Angvaan
Sat, Aug 17, 2013
0 Comments
Nong simsak manin lungdam mahmah ing.