ZCD in Chin min mun teng Zomi min tawh laihding ngen

Zomi Congress for Democracy (ZCD) Thuvanpi Pu Gin Kam Lian in  Yangoon
Daily News  Paper July 10,2013 (Wed) page 4 na ah Zomi Nam ihih na
limpha tak in a gen ban-ah kum 14 Gambup mimal kaihkhopna leh Kawlgam
Identity( matpongten) sunga minam min mun ah Chin minam pen Zomi Nam
tawh laih ding cih thu ZCD Secretary Pu Gin Kam Lian in hang santak in
thusung hi.


Kawlgam sungah Zomi a kici te tamtenna pen Tedim Township, Tonzang
Township, Cikha Township, Tamu, Kalay kabaw, Sanggai kuam teng ban-ah
India gamgi kim teng ah Zomi a tawmpen Tengthum( 300,000) bang om ung.
Upna leh ngeina zong ki bang ung ci lai hi. Zomi cih pen 95% in minam
min hi cih pen deih leh thei in thukim ung cih gen beh lai hi.


Hih bangin Zomi min ngiat tawh Party ading lel lel Zomi Congress for
Democracy hilo hi cih pen ki mu thei hi. Zomi ading a sem ngiat, a
mapang tawntung Party ahih manin Zomite adingin Kawlgam sungah adang
Party te ei adingin a ki sapna bang om hiam ci nuam phial ing.


Zomi Congress for Democracy makai mimal te tungah ki nga dingin ki
ngaihsun leng  belhtaak hetlo kha ding hi. Ahi zongin ki pawlna biakna
a ki pat Zomite mimal leh makaite tungah kuamah a ki nga masa ihi ngei
kei hi. Thumanna leh cihtakna Vaphual lungtang mah a pua toto Zomite
ihihi.

Minam leh biakna cihpen Leitung mi khempeuh in a thupit ngaihsut ahih
manin Zomi tenzong i om om na ah minam leh biakna ah i cihtak mahmah
ding ahihi.


Kawl lai tawh a ki telzaw in belh tuah tawh hong khak khawm ing.


Thawn Tuang
Zomi Angvaan( Pasian Angvaan Minam)
July 15,2013