ZCD Pu Cin Sian Thang in Zi neih kik

ZCD Pu Cin Sian Thang in zi neih kik cih ka zakteh ka deihsak simsim ASSK tawh hi aa, Pu Thang in Zotawi Lianu mah hong ci tangtang ahih manin thupisa ing. Pu Cin Sian Thang in zi  neih cih ih zakteh lamdang a sa vat peuh ih om khatam ci-ing.

 

Tg. Cin Sian Thang leh Lia Ning San Nuam te April 1, 2013 in  Kawlpi ah ki teenna neih uh hi.   Pu Thang thu ih theihsak ahih manin hong gen nawn kei phot ning in a angkawi San Nuam thu tawm khat kong gen nuam hi.

 

Tuimang mi Pa Dam Do Lian ( Guite) leh Siamah Awi Sian Nem ( Neihkhup) te sung panin a ta nihna ( numei panin a u pen) hi aa, a nu Siamah Nem in Tonzang Bank ah kum tamsim dektak a sep sungin Pu Thang zi San Nuam a piang ahihi. Tu in ahih leh Kum 18 pha ta hi. San Nuam pianna pa in Tahan a inn uh panin kum 2001-2002 in hong nusia hi. A nu leh asanggam teng tawh Kawlpi ah om uh hi.

 

A ki theihna uh atom in:

Sawt lua nailo khat in San Nuam nu in Hakha ah zum nasem hi aa Kawlpi hong ngah uh ciangin Pu Cin Sian Thang te inn ah ki nga in, Yangoon a pai uh ciangin zong Pu Cin Sian Thang te inn mah ah ki nga uh hi. Pu Cin Sian Thang pen San Nuam adingin a Pu hihi. Tom gen leng hong ki it thei ta uh hi.

 

March kha 25-31, 2013 hun sung Tuimang Khua ah ZBCM Pawlpi dinzawh kum 14 cinpawi leh Biakinn honpawi zangh kawm dingin  Pu Cin Sian Thang leh San Nuam te Kawlpi panin ciahto uh hi. Zongeina tawh ki la ding’in Mopawi bawl ding cih geelna neih uh hi. Hi mah leh pawivai buai teng tawh San Nuam lah naupang lai ahih ciangin Beh leh Phung U  leh Nau lam ten tawl khat hong ngak lai phot in ci in lemtang theilo hong suak hi.

March khat beini Sunday ni-in Tuimang Khua panin Kawlpi tuaksuk uh aa, San Nuam nu zong Kawlpi ah om ahih manin meltheih ahih tengtawh ki teenna neih uh hih tuak hi.( kua teng pai cih zong ki za kik nailo suak hi)

 

Pu Thang te nupa ki teenna vai zong Pasian lemsak mah hito zel ding hi.

 

 ( Theihding:: Hih thu pen kei theihtan kong pulak hi aa, a diklohna mun pawl khat om kha mai ding ahih manin tuate hong belh tuahto om leh lunggulh mahmah hi-ing.)

 

Thupuak

 

Thawn Tuang

Zomi Angvaan

April 6, 2013