Upmawhloh gin om loh laitak in Leitung keuli ataan Aksipi khat tha khat thu-in nitumna lam-ah kia vat hi cihthu ki gen aa, Van dumpi hong mial pahlo ahih manin up ding haksa ki sa ciat hi. A hi zongin Van dumpi hong mial semsem aa, uploh hong phamawh ta hi. A ki up hangin ka sunmang mawleh ka zanmang mawleh ki ci aa, ih mu tho kik ta leng vandumpi bek hilo lei vumpi zong hong mial ciangin a taktak na hihi.
Tua Aksipi pen bang hang taktak in, hong kia vat mawk hiam cihthu ki telcian nailo aa, a thu ala ki kan cian lai hi.
Sim leh maal pen tua Aksipi a kiat ma in taanden ahih manin a kiat vat ciangin numei naupang a ki pat ki khua ngai mahmah hi. A beisa in tua Aksipi ataang tawh lim a ki la ( photo a ki la ) khawm khempeuh in en en in a ki tang sapna phawk semsem hi. Tua Aksipi a kiatma in ahoihna aman phatna a tam ngaihsut om kei mahleh hong kiat taktak ciangin ki om theisam lo hi. A cil pekpek in tua Aksipi pen Ni suahna lam panin hong piang khia aa, Ni tumna lam ah hong kiat vat ciangin abawl Pasian lemsak bekmah in na khempeuh a piang hi veh ee cih tawh tha ki la kik hi. Hong piang sak Pa ih theih man na hi gige hi. Aksipi adangte zong ka taan phat mahmah keileh lei pumpi mial lua ci-in a mipihte khualna itna tawh hong ki pat loh uh phamawh hi.
Aksi pi a kiatna leipumpi ah ki thehthang aa, bang ciacia in a ki thehthang tam na ci-ing. Mun pawl khat ah gol pipi in kia ding aa, kum bang zah hiam khat ciangin tua Aksipi cia mah phapel mawh dingin Aksipi a bawlpa a piang sak pa in a bawl ahihi. A piang sak pa in mialcip suak sak lo ding aa, lem asak hunhun ah pia kik pelmawh ding hi. A them a them in a ki thehthang Aksi pi pen hong taanphat hun om veve ding hi.
Aksi pi a bawlpa in a bawlsa khempeuh ama deihna om bangin zangh hi.
Dr. Do Kham ka itna leh phawkna tawh...
Thawn Tuang
Zomi Angvaan
Oct 19,2013
Tua Aksipi pen bang hang taktak in, hong kia vat mawk hiam cihthu ki telcian nailo aa, a thu ala ki kan cian lai hi.
Sim leh maal pen tua Aksipi a kiat ma in taanden ahih manin a kiat vat ciangin numei naupang a ki pat ki khua ngai mahmah hi. A beisa in tua Aksipi ataang tawh lim a ki la ( photo a ki la ) khawm khempeuh in en en in a ki tang sapna phawk semsem hi. Tua Aksipi a kiatma in ahoihna aman phatna a tam ngaihsut om kei mahleh hong kiat taktak ciangin ki om theisam lo hi. A cil pekpek in tua Aksipi pen Ni suahna lam panin hong piang khia aa, Ni tumna lam ah hong kiat vat ciangin abawl Pasian lemsak bekmah in na khempeuh a piang hi veh ee cih tawh tha ki la kik hi. Hong piang sak Pa ih theih man na hi gige hi. Aksipi adangte zong ka taan phat mahmah keileh lei pumpi mial lua ci-in a mipihte khualna itna tawh hong ki pat loh uh phamawh hi.
Aksi pi a kiatna leipumpi ah ki thehthang aa, bang ciacia in a ki thehthang tam na ci-ing. Mun pawl khat ah gol pipi in kia ding aa, kum bang zah hiam khat ciangin tua Aksipi cia mah phapel mawh dingin Aksipi a bawlpa a piang sak pa in a bawl ahihi. A piang sak pa in mialcip suak sak lo ding aa, lem asak hunhun ah pia kik pelmawh ding hi. A them a them in a ki thehthang Aksi pi pen hong taanphat hun om veve ding hi.
Aksi pi a bawlpa in a bawlsa khempeuh ama deihna om bangin zangh hi.
Dr. Do Kham ka itna leh phawkna tawh...
Thawn Tuang
Zomi Angvaan
Oct 19,2013
0 Comments
Nong simsak manin lungdam mahmah ing.