Tulai Dinmun Zomi 914

Tedim huam sunga om, Tozang huam sunga om, Cikha huam sunga om Laihilh  sianu siapa te Tan 1-4 ciangin Milip simna dingah vaipuak kumpiten pia  aa, tua te a ukding amakai dingin Tan 5-8 sianu siapa kumpi ten ap uh hi. Tuate tulai tak semzia ding hilh kholkholta uh aa, March 28, 2014
panin a inn uh panin milip sim dingin pai khia ding uh aa, April 2, 2014 a sepzawh ciangin inn tung kik ding cihthu ahihi.


Zomi 914 ih ngahna dingin Laihilh siate tungah tu laitak ki nga hi.  Laihilh siate pawl khat a ki dotna ah minam munah Zomi cisak cileng hoih ding hiveh aw, ki gen hiauhiau ci nelh nulh uh ahih manin khua lam ah Zomi Thuging pha mello ahih manin Laihilh siate kancian in Zomi makai ten phone panin gen cianzo leh lungkim huai pen dingin um ing.



A khawk khawk ( Oh suh!) khat ah Laihilh siate thumta ki seh aa, laihilh siate in milip sazian leh lei panin a piang, a gan khawite a ki pat gelhsak ding uh hi. Laikung a lending Laihilh siate ahih ban-ah
mipi in a thudot ding uh Laihilh siate mah ahih manin Laihilh siate tungah ki nga penpen sa ing.

Minam Tul sawmnga leh tulnga( 55,000)-Tul sawm guk( 60,000) a phak keileh minam khat in UNO sanglo cih khat hi aa, Kawl kumpi tung panin thuging ka theikei hi. Mipum Tulsawmguk vak Zomi te ki phasam ding ahih manin Kawlkumpi in minam khat in hong ciamteh keileh zong UNO ah puakto leng ki ngahlua ding cih thu ahih manin Zomi Nam ki ciamteh khakloh ding lauh huailo lua hi.

 Tua ahih manin Kawl kumpi in Zomite sung kampau tuamtuam tawh code neuneu in hong khen khapna hangin ei Zomi te ki khenkhamzo dingte hilo ihih manin ki pum khat in 914 ah Zomi cih ding mapang khawm ni cih ih deihna ahihi.



Minam sungah


Thawn Tuang
Zomi Angvaan

Tue, Mar 11, 2014 at 1:56 PM