Pu Peng Lam aw na kum tamta cileng hong it bang zah neita na hia, hau ngelta ni teh maw? cih aki dotleh Pu Peng Lam in tuni ciangciang hong it, lawm hoih phazah kong gen thei nai kei ding hi. Ahangin nekding ka haulai hi, nek ding ka neih nawnloh ciangin ki tel pan inteh cihsan hi. Hong it taktak na hau hiam? Hong it aom takpi hiam?
Nungak khat Bii inn hoihlo sungah a nu leh pa tawh hong khangkhia hi. A nu leh pa pen Pasian thu a hat mahmah khat ahihi. Nungak nu zong a sangkahna ah lawmdingin ki deih mello, tangval tenzong hopih nuam mello in aom laitak in Pilna hong hanciam in gual tung tuangin hong om hi. Siavuanpi dong tungto hi. A khuapih ten bang mahin a simloh laitak in a nulehpa ten Pasian maipha na zong den ahih manin a inn sunguh Jesu tawh vaihawm den ahih manin gualzawhna hong ngahto hi. Pilna nei-in nuntaknuam asak laitak in lawmhoih leh a it tampi hong nei hi. A takpi uh aidiam. A gen theih laitak in a lawmhoih pen, a it pen Jesu bek nei hi. Lawm na hau hiam?
Ih gen thei laitak, damlo in lupna tungah i om laitak, lungneu in khattang bek i om laitak in hong it ding lawm leh gual in hong ki muhloh bawl in, i muan penten hong ki theimawh bawlta leh hong nusia ngei hetlo, hong pampaih ngei hetlo khat bek nei hihang. Tua-in Jesu hi. Jesu tawh ki zom semsem leng i nek bangbang lim kisa in, lawm ihau aa i hau keizong in lungkim mahmah lel hi. Jesu bek it in midangte
itlo cihzong a puatham hizel hi. Jesu in kei hong it mah bangin midangte zong it ding hi cihzong muhna man ahihi.
Cimawh dongtuak ki sa in i om laitak in hong it ding mi, lawmin hong hopih ding mi muhhak kha mah ding hi. Tua dinmun in i om laitak bek in Jesu ki phawk kha pan thei hi. Tua pipi mah in hong itna hong ngaihna a kiam ngeilo cih ka phawk sansan hi. Nuamsa in i om laitak in Jesu phawk khalo in om mahleng hong nusia ngeilo in, nop sakna leh haksatna hun khempeuh ah hong ki tuahpih den veve hi cih ka phawk hi. Lungdam.
Thawn Tuang
Nashville TN USA
June 8,2015
Ka laigelh tengteng>>www.zomi-angvaan.
0 Comments
Nong simsak manin lungdam mahmah ing.