Lamka Nupi ten Innluh in Vanla uh!

Tuni Sept 28,2015 in online ka et leh T.Sawm Lian in, "Inn hal khawng zong thudik deih man hi peuhmah lo, a van teng nawnkhia in, a deihdeih uh la, Gas bung peuh, siksia peuh gumang uh kici zaw zen hi", ka sim khak teh Lamka aom Nupite Guta hilel mawk uhhi. A hangin;


Mi 9 a si te Pu Thang Lian Pau ZRO/A in zahtakna pia dingin a pai laitak, a inn vuah aom loh laitak in Lamka aom Numei ten a Innluh uh aa, a deih teng a lak khiat khit uhteh a Inn leh Mawtaw 2 te halsak Sept 26,2015(Sat) uhhi.



J.Thang Lian Pau in, "A Thu bulpi pen kihazatna hi. Sia Pau hoih zo kei, sum nesim cih mawk, ama sanga a hoihzaw ding mi hawi nei maw? Mawhpuakna tuamtuam teng kilekkim taka a sai zo ding kua muan nei tuan, a diakin tribe kua teng huaikhawm. Sia Pau om kei le ZRO sungah Paite tribe bek a cianlai tam?", ci hi.



Innluh leh Inn mei tawh a hal Nu dingin na deih hiam? Inn kuanpih dingin na deih hiam?


Thangboi Yangoon in, "Pu Thang Lian Pau' inn Zomi nupi te'n haltum uh ci. Lamka khuasung ah ippi silh aa Pasian' Mai ah ki niamkhiat tak aa aki lumkhukte'n bang hang inn hal ding haksa hongsa hetlo ziau mawk uh aitam?", cihi.



Sia Do Khup in lainatna tawh ih mu theilo zankim nai 1:30 in a laigelh, " Nupite in Pasian mai na zong kik unla, Topa Jesu leh na pupi uh Gandhi gam itna zia na etteh ta un", ci hi.


Sia Pau Khai inzong lainatna tawh, "Mipi leh adiak in Nupi ten khat vei vantung lam hong en to kik unla, na lungsim uh Bible kisiansuah sak un. Den ciangin ithungetna Topan hongdawn nawnloh khak ding kong laupih mahmah hi.", ci hi.


• Abraham Lincoln in ~Kumpi ka tun theihna pen ka nu hong patah hang hihi.


• D.L.Moody in~Nu khempeuh kei nu a bang hi leh lei tungah thong inn omlo ding hi.


Nu hoih ki sam takpi mawk hang. Tua danin i kalsuan tohtoh leh ki lemna a Thu bek in aom zongin veng tuanlo ding hi. Ei sung ki tawktawklo zaw in, makai ten a sep nop keileh a sem nuamten sem lel ding hilello hiam? Ei sung teng bek ah hangsan nawndahni.



Thawn Tuang

Nashville TN USA