Tangthu Thak Hong Pianzia
Mi minthangte tangthu a ki sut ni lohna ahang tampi lak ah nam khat sutsuk leuleu ni. Tangthu thak hong pianna te i ngaihsutteh a tangpi in khatbek mapanna bek hilo hi. Mi thumte tung tawnin tawm en suk leng.
Adoniriam Judson pen Kawlgam ah Pasianthu hong puak masa penleh Kawl Lai Siangtho a bawl khiapa zong ahihi.
Kum 1813 in Kawlgam tunga kum 3 bang Kawllai Kawlpau hong zawhteh Kawllai tawh Pasianthu laibu hawm khia hi. Thongzong khia in Thong a kiatna ah a zi-in Lukham sungah a Lai Siangtho tei maban a zop ding puasim hi. Judson zong a Thong kiatna inn ki laih sawnsawn aa, a LST tei khiat pua theilo hi. A zi Ann in zongzong in mu kik in kem aa, Judson hong suahtak khitteh amaban hong zomin Dec 29,1835 Lai Siangtho buppi sim theih in ki ngahta hi. A zi in kinlo kemlo dawnlo hileh Lai Siangtho a letsa uh kum 13 val a sepsa uh a mawkna suak ding ahihi.
Billy Graham icih leitung ah Pasian thugen minthang mahmah khat hi.
A zi tawh upna biakna aki bang hetlo khat ahihi. Khatvei mikhat in Billy Graham aw USA Kumpi dingin telcing mahmah hiteh cihi. Tuateh amah zong lunglut hi. Himah leh a zi in U Billy aw USA kumpi na suak ngei kei ding hi. A hangin USA kumpi dingte a zi tawh a ki khente ki ngahlo hi cihsan ziau hi. A zi-in Pasian thu ah a khauhpai semsem ding deihsakzaw thapia zaw ahih manin tuadan kammal a zangh hizaw hi. A zi in Pasian na sepna ah Thapia in panpih kinken zaw ahih manin tuni tandongin mi minthang bek thamloh etteh tak cing khat hong suak den mawk hi.
Obama icih USA kumpi mivom kici lak ah USA kumpi a suak masa penpa hi.
Michelle in kumkhat sung akhasum gawm pen dollars 270,000 $ val ngah in Obama khasum ii azahnih pha hi. A hih hangin Obama kiteelna ah agualzawh nading in Michelle pen tua khasum hoih anasep khawlin apasal panpih hi. A nupa un a pan khop manun gualzawhna hong ngahto takpi uhhi. A zi zong USA kumpi dinmun a tungzo dingin mi tampite lam-et ahih ban-ah Obama tawh aki teenma a zi in a pasal laihilh ngei hizaw mahlai hi.
A tunga miteng thum tangthu i nung et kikteh a Zi ten a nasep uh hoihhi ci-in panpih mahmah uhhi. Thu leh la ki kumkhawm tangtang uh hi kha ding hi. A zi te thukimpih ding a pasal tenzong na hoihsem uhhi. Pasal te sep zawh ding....cihte zi ten ahi ciang khat ahihna tel veve uhhi. A zi in muang hetlo pen midangin a muan pah ding lemlo hi. Nupa ki lungtuak khuakhat in zolo cih tawh ki neh mahmah hi. Innkuan in i sepna ah lawhcing mahmahleng i tangthu ahoih hi pahlel lo hiam? Lungdam.
Thawn Tuang
Nashville TN USA
OCT 20,2015
Mi minthangte tangthu a ki sut ni lohna ahang tampi lak ah nam khat sutsuk leuleu ni. Tangthu thak hong pianna te i ngaihsutteh a tangpi in khatbek mapanna bek hilo hi. Mi thumte tung tawnin tawm en suk leng.
Adoniriam Judson pen Kawlgam ah Pasianthu hong puak masa penleh Kawl Lai Siangtho a bawl khiapa zong ahihi.
Kum 1813 in Kawlgam tunga kum 3 bang Kawllai Kawlpau hong zawhteh Kawllai tawh Pasianthu laibu hawm khia hi. Thongzong khia in Thong a kiatna ah a zi-in Lukham sungah a Lai Siangtho tei maban a zop ding puasim hi. Judson zong a Thong kiatna inn ki laih sawnsawn aa, a LST tei khiat pua theilo hi. A zi Ann in zongzong in mu kik in kem aa, Judson hong suahtak khitteh amaban hong zomin Dec 29,1835 Lai Siangtho buppi sim theih in ki ngahta hi. A zi in kinlo kemlo dawnlo hileh Lai Siangtho a letsa uh kum 13 val a sepsa uh a mawkna suak ding ahihi.
Billy Graham icih leitung ah Pasian thugen minthang mahmah khat hi.
A zi tawh upna biakna aki bang hetlo khat ahihi. Khatvei mikhat in Billy Graham aw USA Kumpi dingin telcing mahmah hiteh cihi. Tuateh amah zong lunglut hi. Himah leh a zi in U Billy aw USA kumpi na suak ngei kei ding hi. A hangin USA kumpi dingte a zi tawh a ki khente ki ngahlo hi cihsan ziau hi. A zi-in Pasian thu ah a khauhpai semsem ding deihsakzaw thapia zaw ahih manin tuadan kammal a zangh hizaw hi. A zi in Pasian na sepna ah Thapia in panpih kinken zaw ahih manin tuni tandongin mi minthang bek thamloh etteh tak cing khat hong suak den mawk hi.
Obama icih USA kumpi mivom kici lak ah USA kumpi a suak masa penpa hi.
Michelle in kumkhat sung akhasum gawm pen dollars 270,000 $ val ngah in Obama khasum ii azahnih pha hi. A hih hangin Obama kiteelna ah agualzawh nading in Michelle pen tua khasum hoih anasep khawlin apasal panpih hi. A nupa un a pan khop manun gualzawhna hong ngahto takpi uhhi. A zi zong USA kumpi dinmun a tungzo dingin mi tampite lam-et ahih ban-ah Obama tawh aki teenma a zi in a pasal laihilh ngei hizaw mahlai hi.
A tunga miteng thum tangthu i nung et kikteh a Zi ten a nasep uh hoihhi ci-in panpih mahmah uhhi. Thu leh la ki kumkhawm tangtang uh hi kha ding hi. A zi te thukimpih ding a pasal tenzong na hoihsem uhhi. Pasal te sep zawh ding....cihte zi ten ahi ciang khat ahihna tel veve uhhi. A zi in muang hetlo pen midangin a muan pah ding lemlo hi. Nupa ki lungtuak khuakhat in zolo cih tawh ki neh mahmah hi. Innkuan in i sepna ah lawhcing mahmahleng i tangthu ahoih hi pahlel lo hiam? Lungdam.
Thawn Tuang
Nashville TN USA
OCT 20,2015
0 Comments
Nong simsak manin lungdam mahmah ing.