Kha leh..cih tawh ki sai

 

Tua ci khaleh cih pen ki muang ngamlohna, ki-it ngamlohna, ki gup ngamlohna...cihte na hi gige hi. ZCD in zo kei khaleh, NLD in zo kei khaleh...cih Kha leh teng i buaipihna Thu ngaihsun taktak leng it ngamlo, muang ngamlo, um ngamlo...cihna hi gige hi.

 

Philippine gammi Laigelh siam mahmah khat ahi Pu Jose Rizal pen Spain te ukna panin a suaktak theihtheihna dingin Laigelh cihtak in hong gelh khat hi. Ka laigelhna hangin phatuam kei kha leh ci tuanlo in gelhgelh hi. A tawpna ah Spain ten mancip in Thong sungah a khum khit uhteh Thau tawh kaplum lai uhhi.

Thau tawh khat vei a kapna tawh si lo ki hopih thei lai aa, tua na lengin Spain ten thu a dotteh ka gam adingin ahih nakleh ka nungtakna a bei zongin phamawhsa lo hi-ing ci hithiat lai hi. Thau tawh kaplum vive uhhi. A sihzawh kum 50 khitteh Suahtakna ngah khin pan uhhi. Philippine yen suaktakna a ngah uhteh amah phawkna ni kum simin neihni ci-in Dec 30 simin neih bek thamloh, Ansai min, Paak huanmin, Hotel min...cihte ah Rizal min tampi takin zangh hi. Kha leh ci hileh a min mang pha kha ding hi.


Tuaci kha leh cih tawh i buaina tengin khuamuhna hauhna gualzawhna...cihte khaktan den hi. Abraham, Josepf, Moses...cihten tuaci kha leh ciden uh hileh a min uh mang pah ding na hihi. Kha leh cihteng mangsak photphot ni. Tua hi hong guallel sak den.


Pasian in ka thungetna hong pia kei khaleh, a pilna sinna tua ci khaleh, tua pa muan huai kei kha leh, zi neih pasal neih in tua ci kha leh...a kha leh khempeuh Satan in zong deihlo ding ahih manin ei tenzong deih nawn keileng i minam sung hong nuamtuam mahmah ding hi. Lungdam.


Thawn Tuang
Nashville TN USA
Nov 15, 2015