Leitungah mipite leh kumpipa ut hunhun in a ki ho theih gam tam hetlo hi. Kei theih khakna ah Saudi Arabia gam thukhun sungah kumpipa tawh ut hunhun in mihau mipil kuamah deidan om lo in ki mu thei-in ki hopih theih hi kici hi.
Saudi Arabia kumpipa tawhpa tawh suakta tak in a ki ho thei, a ki mu theih dingte theih ding thu om aa, tuate in;
1. Neu muhna tawh hilo ding
2. Hawm thohna tawh hilo ding
3. Zahpihna tawh hilo ding
4. Mawhsakna tawh hilo ding
.....cih bang tuamtuam tawh Thukhun khat na neih veve uhhi.
Mi khempeuh i cin lohna, mawhsakna...cihte ki leizon sak leng a cingtaak sinsen om hetlo ding mihingte ihihi. A kua mapeuh mipil mihai ten ki haibawl, ki neu muh, ki zahpih...cihte a deih ki om ngeilo hi cih phawk huai semsem hi.
Leitung kumpite tawh ut hunhun in i ki ho theih hangin, thu khun mah na neih veve uhhi. Himah leh Vantung leitung a uk Kumpipa kiangah ut bangbangin ki hopih thei ziahziah hi. Ih van gik hong puakpih, i mawhna hong sitlo hong maisak Zeisu ka up khak ka lungdamna lian semsem hi. Lungdam.
Thawn Tuang
Nashville TN USA
Nov 1,2015
0 Comments
Nong simsak manin lungdam mahmah ing.