Kum 1948 May 14 in Israel ten suahtakna ngahin lungdamna pawpi a munmun ah pawi ziahziah uhhi. Tua laitak in a kim a paam panin a su giap nuam pawl khat om hi. Lungdamna pawpi abawl laitak nuam asak mahmah laitak in Jordan ten Jerusalem na laksak ziau uhhi. Lungdamni pen lung khamni hehni hong piaksak nuam om gige hih cih phawk huai hi.
Kawlgambup ah mihai penin a ki ciamteh Chin State sung veve panin Tedim huam, Tongzang huam hi hong kici ngei hi.
Kum 2012 in Kawlgam ah Zomi minam omlo hi cihthu hong ki tangko hi. Kua in om cih ki puaklo pi-in hong lung hih mawh pawlten thupuak hi ding hi cih ki mu hi.
ZNC party minzong hong sang zo lo uh aa, ZCD tawh min i laihto leuleu hi. Hong ki awl mawh mahmah cih ki mu hi.
Census hunin Zomi code hong pia nuamlo kawmkal ah, Zomi pen minam khat in ki ciamteh hileh a cimang ding minam hi ung cihzah dongin a lau om zenzen hi.
Kum 2015 November te ciangin Party minam min leh atuamtuam tawh mee/vote ki khia ngeingai aa, Chin State sungah minam party aom ngeingai te lak-ah Zomi Party ZCD in mun 6 bangah hong gualzo hi. Chin min pua party in mun khat zongah a ngahlohteh Chin state sung aomte bek hilo Kawlgambup ah Chin minam omlo cih Zomi ten a gengen uh aman ahihlam hong tel panpan ding na hi gige hi.
Tua ahih manin Zomi min tawh bang zahtak in hong ki khaktan mata se leh Zomite a piangsak Pasian in hong khaksan ngeilo hi. Kawlgam tangthu a sut ding hileng Zomo cih aom loh hong phamawhta hi. Tua sungah Satan na sepna lianpi hong pia thei tawntung hi. Ei leh ei hong buaisak nuam, hong tawksia nuam om gige thei ahih manin ki gum tinten ding hoih hi. Ki phatsakna leh ki liatsakna lamin la lo in Topa hoihna miten zong amuhbeh nangin limpha hih sawmni cih kong zawn hi. Lungdam.
Thawn Tuang
Nashville TN USA
Nov 16,2015
0 Comments
Nong simsak manin lungdam mahmah ing.