Christmas Tree hong pianzia

Singkung tawh thu gentehna a zangh khempeuh in nuntakna tawh ki gen pha pen hi. Christmas Tree icih lungdambawl ciangin Singkung khat pen a gah tuamtuam bawltawm tawh ki sai pen Germany gam pan hong kipan ahi hi. Germany icih pen Dr.Vumson te, Rev.CSKhai te sangkahna gam ahihi. 

Ni dangin Germany gam ah drama pawi lahna lang mahmah hi. “The Paradise Tree” kici Adam le Eve te thu kilahna sungah akihel apple gah kikhai cihte limla in Singkung nonote bawl uh-a, a singkung tungah apple bek hi nawn loin, singgah tuamtuam ahoih theithei khai beh lai uhhi. 17th  century ciangin German Lutheran pawlkhat America gamah lal uh-a, Singkungno zepna zong innliim zepna khat-in hong nei uhhi. Tua  Singkungno tungah a etlawm singgah limleh electric mei hoihnono tangsak uhhi. 1800 kum khit ciangin America gam sungah hong kizang mahmah ta hi.



 19 th  century ciangin England kumpinu Victoria le German Prince Albert of Saxe-Coburg te in amau gam ciat ah hong nakzat mahmahna uh panin hih Christmas Tree in Leitung bup hong zeel semsem hi.  

Tu hunteh a ki bawltawm Singkung hoihnono te tungah a etlawm tuamtuam khai uh aa, mumkhum neng a ki pan letsong tuamtuam a khai zong om in, tuate a ut peuhpeuh singgah lawh danin lawh theih dingin a koih omta hi. Innkim inn sung Lungdambawl te puahin a etlawm penpen dingin Zeisu suah hun lungdambawl ciangin Zeisu a umtawh a uploh tawh lungdambawl Zeisu suah ki zem ciat hi. Lungdam.

Thawn Tuang
Nashville TN USA
Dec 23,2015
www.zomi-angvaan.blogspot.com