Lungdam lua pah ken!

Nu aw tuni ka vakna lam ah miten hong pahtawi in a khut uh hong betsan ziahziah in kei lungdam lua mahmah in, ka diang ziahziah hi ci-in a nu kiangah gen hi. A Nu in bawi aw tua bangin miten' khut hong betsan ziahziah cihpen Lungdam ken, hong pahtawi hilo in, hong thatnuam zaw uhzaw hi. Mailam ah tua danin khut hong betsan thei namte kiangah pai khah nawn peuh mah kei in na si ding hi ci-in Tho pi in, a ta no kiang gen hi.

Khut betna zong pawl khat adingin Sihna lampi hi thei aa, pawl khat adingin lungdamna hi thei hi. Lungdampihna hong pulak ngaungau te tung bek ah zong lungdam luat pah ding hilo aa, lungdamna hong gen khollo te tungah zong lungdamloh pah ding zong hilo hi.

Lungdamna thu tawh ki sai bek ah hong lungdampihte pen pua tham itna hi thei aa, haksat hunlai tak in hong hopih, hong khual mite pen itna laigil hong neih mite ahihi. Itna taktak a neih miten lungdamna thu ah lungdam pih dan hong lak siam khollo theizaw sop hi. Tua ahih manin ki lungdampih danleh ki dahpih dan itna tak tawh hileh nuam pen hi. Lungdam.

Thawn Tuang
Zomi Angvaan
July 8,2017