Kua Mite Hi Zaw Deuh Veve Uh
Leitungah gamhau zawdeuh, gam zawng zawdeuh, a pil ahau zawdeuh, a gen thei a nuamsa zawdeuh....cih bang om hamtang hi. Zomi te sungah nidang laipek pan tuni tandong a hizaw deuh mah na om veve hi.
Zomite sungah Laitan sang neih leh a haute khempeuh khuak ciim kimlo a, ahi zongin hihte gel khat zawzaw aneihte mite ut mahmah te lak ah ki hel hamtang hi. Tua ahi manin khuak ciimna nam khat ah a ki helloh a phamawh namte ahihi.
Pute pate hun lai in mihau nuam asa mite bang cibangin ki sam uh hiam cihleh " An khing kham" na ci uhhi. Kampau mukpau a siam' mahmah pute pate etteh taakcing mahmah hi. Khanglui lai-in an khing kham te, tu hun aa ih zahtaak ei sangin a neihzaw, ahauzaw te bang mah na hihi. Neihna zong khuakciimna nam khat ahih ban-ah na khat peuhpeuh a sepna uh ah, a citak mite hideuh veve uh hi. Lo kho ciatciat, Gan khawi ciatciat a neih thei deuh mi na om hi. Tua miten bang hangin mitawh ki bangin Lokho a, gan khawi na pi neih thei deuh uh hiam cihleh Lo vai tawh ki sai, lamsial ding, lo lam sat ding, sep ding Hausate gelna amang mite in anhau zaw deuh veve uhhi. Ganhau te zong gan kemzo te, gandai kaih thanuam, gan-en bel deuh teng mah in ganneih thei zawdeuh veve hi. Hih bangin na khat peuhpeuh neih theihte lungsim khuak zong ciimna nam khat mah na hihi. Ih sepna peuh ah hong siam thei khat om gige ahilam phawk huai hi. Dawi le kau ten zong mi siam thei kici hi.
Mi na nasem phial zongin hoihtak, citak tak in a sem velvel te mah in, asem mawkmawk( tavuan azah) te sang'in thaman khat mite muhtang pi mah in ahoih thupha na ngah zawdeuh veve hi. Minih na sem khawm ciatciat lungsim takpi tawh a sem leh semlo thaman ki banglo veve hi. Tua manin mi na asem a, nang ma na asem zongin citak, lungsim takpi tawh a sem tentente mahmah in neih leh lam neih zaw hamtangin mite neihsa duh gawh cihbang omlo zawdeuh veve hi.
Lai a theih baih mahmah laipil mahmahte sangin lai theih baih lualo, citak tak in lai simsimna tawh ahanciam toto te mah sangpi tung theih zaw in mite zahtaak suak zaw hamtang veve uh hi. Khanglui lai in Pilna laitan neihte, a lai theihte, mipil ci-in ki sam vatvat lo aa, kam ki kemtak in, " gual tungtuang" na ci uhi. Laitan neih zaw deuh, lai theih zawdeuh te mah na zahtaak siam mahmah uh hi.
Pute pate hun lai aa, ahi zawdeuh Mi tampi gending om mah leh......
Thawn Tuang
Zomi Angvaan
16 Nov 2011
Leitungah gamhau zawdeuh, gam zawng zawdeuh, a pil ahau zawdeuh, a gen thei a nuamsa zawdeuh....cih bang om hamtang hi. Zomi te sungah nidang laipek pan tuni tandong a hizaw deuh mah na om veve hi.
Zomite sungah Laitan sang neih leh a haute khempeuh khuak ciim kimlo a, ahi zongin hihte gel khat zawzaw aneihte mite ut mahmah te lak ah ki hel hamtang hi. Tua ahi manin khuak ciimna nam khat ah a ki helloh a phamawh namte ahihi.
Pute pate hun lai in mihau nuam asa mite bang cibangin ki sam uh hiam cihleh " An khing kham" na ci uhhi. Kampau mukpau a siam' mahmah pute pate etteh taakcing mahmah hi. Khanglui lai-in an khing kham te, tu hun aa ih zahtaak ei sangin a neihzaw, ahauzaw te bang mah na hihi. Neihna zong khuakciimna nam khat ahih ban-ah na khat peuhpeuh a sepna uh ah, a citak mite hideuh veve uh hi. Lo kho ciatciat, Gan khawi ciatciat a neih thei deuh mi na om hi. Tua miten bang hangin mitawh ki bangin Lokho a, gan khawi na pi neih thei deuh uh hiam cihleh Lo vai tawh ki sai, lamsial ding, lo lam sat ding, sep ding Hausate gelna amang mite in anhau zaw deuh veve uhhi. Ganhau te zong gan kemzo te, gandai kaih thanuam, gan-en bel deuh teng mah in ganneih thei zawdeuh veve hi. Hih bangin na khat peuhpeuh neih theihte lungsim khuak zong ciimna nam khat mah na hihi. Ih sepna peuh ah hong siam thei khat om gige ahilam phawk huai hi. Dawi le kau ten zong mi siam thei kici hi.
Mi na nasem phial zongin hoihtak, citak tak in a sem velvel te mah in, asem mawkmawk( tavuan azah) te sang'in thaman khat mite muhtang pi mah in ahoih thupha na ngah zawdeuh veve hi. Minih na sem khawm ciatciat lungsim takpi tawh a sem leh semlo thaman ki banglo veve hi. Tua manin mi na asem a, nang ma na asem zongin citak, lungsim takpi tawh a sem tentente mahmah in neih leh lam neih zaw hamtangin mite neihsa duh gawh cihbang omlo zawdeuh veve hi.
Lai a theih baih mahmah laipil mahmahte sangin lai theih baih lualo, citak tak in lai simsimna tawh ahanciam toto te mah sangpi tung theih zaw in mite zahtaak suak zaw hamtang veve uh hi. Khanglui lai in Pilna laitan neihte, a lai theihte, mipil ci-in ki sam vatvat lo aa, kam ki kemtak in, " gual tungtuang" na ci uhi. Laitan neih zaw deuh, lai theih zawdeuh te mah na zahtaak siam mahmah uh hi.
Pute pate hun lai aa, ahi zawdeuh Mi tampi gending om mah leh......
Thawn Tuang
Zomi Angvaan
16 Nov 2011
1 Comments
Dear Thawn Tuang,
ReplyDeleteNa blog pan thu tuamtuam na sim thei ingh.Lungdam mahmah ingh.
Kei mail ahzong thu ong puak zel ing maw.
Keipen Malaysia ah Pasian deihsakna tawh kipum piakin Pasian na i mipihte kiangah ka hihzawh zah a panpihna(thapiakna,thunget sakna cihte)na nei thei ingh.Pasian in hong panpihna tawh lauhuaina tampi kalpan hong gualzawh pih den hi.Zeisu minthannang hi ta hen.
Jesu sungah naseppih,
Rev.Dal Cin
Nong simsak manin lungdam mahmah ing.