Zomi nam sungah Vangteh, Saizang, Sihzang, Zote, Teizang... cih bangte huam kim hi. Hih thu ah hun khat lai-in Zomi sangin Vangteh mi kicih ding ka utzaw a, Zomi hi keng ka cih nop hun om peuh mah hi. Zan mah in a suak ka hi a, zan mah in Zomi hong piangtawm ka sa lailai hi. Hih bang lungsim ka puak vilvel laitak in bang teng ngaihsun ka hiam cihleh-
1. Vengteh awsuah tawh laigelh dending in, sum neihteh Laibu bawl in Vangteh sung panin Zomi hong piang khia cih bawl khia ding, Online tuamtuam ah a zon nuam in koi zihziah ding..
2. Vangteh Baptist Church pan khia dingin Vangteh Lai Siangtho leh Labu teikhia zihziah ding...
3. Vangteh awsuah mah tawh lasiamte sum tampi tawh cial in DVD, CD thoh khia ding, Video a muh nop theithei thoh khia zihziah ding...
4. Vangteh mite omom na ah ki pawlna om sak pahpah in, kumcim khawmpi bang nei den ding...
5. Zomite ki zopna ki thuzakna sungah Vangteh tawh meh khawm pahpah ding, Vangteh a genkha a om leh mi 4 leh 5 in va su giapgiap ding, Zomi hi keng ci pahpah ding...
6. Vangteh mi a tamna Zomite ki khopna ah panla lel dingin Vangteh mi atam teh Zomi deihlo ziau ding...
Hih a tunga bangin lungsim ka puak vilvel laitak in minam dangten ki pumkhatna tawh hong makhelh lam ka phawk kha kei a, kei tumtak in Vangteh mite hi ka sa mahmah lel hi. Hih bang ka ngaihsut laitak in hong pampaih theilo ka Zomi pihten...
1. Zomi party bang na ngah khin uh, Vangteh party ka mu batloh sungin..
2. Ki pumkhat in thu le la na vaihawm khawm, ma na pang khawm mahmah uh..
3. Vangteh, Teizang, Zote, Saizang... cih bang lungsimtoi na neih vetlo uh..
4. Ken Vangteh mi ka thupisak mahmah hang, kua manlah hong awlmawh tham hong sa lo uh..
5. Vangteh mi teng mite zasan meh khat zong ka phakloh lam ka theiloh sungin ka Vangteh miteng thuman thudik Zomi mah na pom tinten zaw uh hi. Keibek ki tang pek.
Kei tawh ki bang lungsim toi, a ki phasak a om lai tam aw... tunbel thudik thuman ah na kalsuan theita ing. ZomiNam ka hihna a telcian panpan...
Thawn Tuang
Zomi Angvaan
2 Comments
Hih bang laigelh nelsann hi ei.. Nang vangteh le Guite beh ultunsak nop man hi lel in, Zomi it khawng in paupau kei zaw in.. Nang Zomi it lam kua mahmah in hong thei kha ngei ban lo hi.. Naaupang gilpuak khat Online khawngah awngawng lel a hong kikoih cih phawk lecin, dai khingkhiang in om ni teh..
ReplyDeleteSia Khampeek( Tongsan pu) dawn kikna
ReplyDeletezominam@yahoogroups.com ah Augt 23,2012(Thur) ni comment khat..anuai ah..
Dear Thawn Tuang...,n'ong thusun khiatin Zomi mawk2 2 le 3 hong ki pholaak sakpahindik peuhmah hi.,hibangin Zomi ih hihna ong gelh to2 lai in! Sian' SawmpiUSA
Tongsan na zatlai tongsan ah...Dr.Cinpu in(Augt 22,2012 wed)
Sia Tuang, na gennop thu kitel takin lak thei in Zomi i hihna kician tak nong gen manin thupisa ing. Na laigelhte hoihsa in na simsim ung.
Hau Za Cin
Phuitong Liim
Tongsan pu Khampeek Net ka zat nonlohteh a ut bangin hong koko hang Tongsan aki pat cil akipan hong lak khiat hun Active tak in ka zangh hi. Tongsan Admin tungah ki ngalo..Zomite ki zopna hi cihtawh aki nga bek hi ing
Tongsan mah ah..(Aug 22,2012 wed)
Net sung aa lai ki khah khem peuh sung pan azak nop pen leh lai sim nuam penpen Ih lungsim ong no suah sak kam mal lai mal te hang in ih PASIAN min thang ta hen la ZOMI ZOGAM ongtawi sang ta hen.
SuanGin
Midang khat in Tongsan mah ah..(wed~Aug 22,2012)
Zomi Angvaan na cih a kiukhat Lang tak in ki dawk sa ing. Na lai atte simzel ing hih lian hoih sa pha deuh ing. Itna leh muhna a zai sak thei Lai le kammalte thupi sa mah mah ing.
Thu hoih sep dinglung siit kei ni. Mikhempeuh in thu hoih mu pahpah lo aa mikim ih ih muhteh nitum kuan hi zaw thei den hi. Mikhem peuh in muhnai loh hang thuhoih na muh le gen le at ding hoih hi.
Suankim
Tulsa OK
Tua hunin Tongsan Pu Khampeek in..comment na ah..
Hih bang thute hong khahkhah zel oo. Zomite ki puah phatna ding hi ei.Zomi na itna na veina ki cian mahmah ei.
Khampeek
Tongsan Pu
a tunga bangin ci gemgam in tuin ama net ka zat keileh....ih lungsim ki langlua hi. Census vai in Chin minam ciding acih zawh bel..mi in amu nawnlo pah kaive
Nong simsak manin lungdam mahmah ing.