Zomite a Hoih tawh Kilawm

Sun ni taang pipi Mangpha i cihna panin Topa thupha, Sunpha tawh i laihto hi. Namdangte mel hoih phalo mu leng eimi tawh ki bang i cihna panin amin thang, ahoih, a pil mu leng Zomite tawh ki bang ci-in i laihtoh theih manin ahoih tawh a ki lawm, thuman tawh a gamta Zomite i suak hi. Kum 2000 in kum 15 phapan ka hih manin kum 2000 khit Zomite ki lamdanna tawmkhat ka gen nuam hi. A limtawh, amel te uh tawh a en nuamten>>http://zomi-angvaan.blogspot.com/2012/09/zomite-hoih-tawh-kilawm.html

Bawllung suisiam mahmah  Brazil te   Ronaldo i sam met dan pen Zomi naupangte

sammet tawh ki bang ci in ki nuam tuam mahmah hi. A sam metdan pen amailam( a tuksam) cihloh teng met siang sitset se hi. A mailam samteng hawi lingleng hi. Zomite tawh ki bang si e, a kicih teh ka neu lai in ka khangual te tawh ka om mailai uh ka phawk sansan hi. Zomite ki zeepzia tawh a ki bang muleng ki lawm kisa a, ki pakta mahmah mai hi. Ih ngeinate damdamin ki zelzelta hi.

Mizo te  Dr. H. T. *Sangliana *in July 2012 sungin India gamah President

thak kiteelna (election) ah * *Ex-MP President sem thei ding teelcing

(Candidator) in kihel cih ih zak ciangin Zosuan khat hi ci-in ih pompah hi. Ih angtanh pih hi. Zosuan Zotate' Pasian in hong lamsang ih ci hi. Pu Sangliana pen Zosuan khat mah hi takpi a, Mizo Zomi cih pen a ki bangin thei leh mu ihih manin khangtohna namkhat hi.

Boxing ki tum siam mahmah ahi Mary Kom in Bronze Medal  2012 London Olympics ah gual zawhna hong ngah ciangin ih Zomi pih mah hi ci-in ki lungdampih ki angtanhpih takpi mai hi. Gualzawhna angah Zosuan khat i paktaa takpi hi. A sim amal aom Zosuan khempeuh Zomi ahihlam ki lang mahmah hi. Zomi numei khat in gualzawhna hong ngahteh ki lawm pha deuhse hi.

Aung San Suu Kyi leh Hillary Clinton  tukum 2012 in a ki ho na lim ( photo ) te ah ASSK in  Zoniik hong teen taktak ciangin ki lawm ih sa aa ih angtang a, ih lungdam hi. Ih lungdam luat manin Zomite mo ut hi ding hi a ci pawl om, a pu a pa te khang a ki kankan ciangin amau pen Zomi mah hi a, amangthang sa hong ciahnuam hi ding hi cih bangin i ngaihsutna teng ih pulak bek zong manpha mahmah ka sa hi.

Zomite ahoih aminthang apil ahat te tawh ki lawmsa mahmah ta ihih manin  lungdam hang. A hilo lamlam tawh ki lawmsa nawn keini. A melhoihlo, a thahatlo, a pillo te domto in puahin zuunzaw ta ihih manin ih khangto mahmah ta hi.

Ih khantohna te a gennuam leh thupi asa

Thawn Tuang

Zomi Angvaan