Computer hun Beisak mawk..

Computer hun beita hi aa Phone hun hong tung leuleu hi. Computer tawh na sep ki pan nailo aa, phone in hong lapto mawk in Computer hun abeisak Zomite ihihi. Bang ci danin beisak ihiam cihleh  Computer miten zangin sum muhna, zum na sepna in zanghzangh uh aa, a tua lam peuhmah lutding, tupna ki neihlo in Phone tawh a ki zomzaw te ihihi.

Computer a zanghzangh te en leng zum na sem, na sep hoih a neihteng hi denzaw ding uhhi. Phone a zangh icihte pen mite Computer zat hunin amau na semin diang phangphang uh aa, Computer a zanghte ahihleh tu hit hiat uhhi. Ih khut sungah Tuu leh Hei ih tawi sangin a neu zilzial Laikung tawh nuntakna muzaw leng nuamzaw ding hi.

Kum 2000 kimin Computer hun cih thang mahmah aa, Phone mipi in a tawi bang ki mu nai hetlo hi. Kum 2004-2006 bangin Bangalore India ah Computer bang ka sin liang hi. Tu hunteh sin kulloh mi khat in a neihnop uhleh khatta nei theiziau hi.

Khut na sepna vive ahih hangin ih khut sunga ih tawi ki banglo hi. Mailam ah ih khut sungah bang teng tawi ding, ih tawinopziil in hanciam aki sapleh hanciam vinven kul kha ding hi. Lungdam.

Thawn Tuang
Zomi Angvaan
Nashville TN USA
May 26,2016
Ka laigelh tengteng>> http://zomi-angvaan.blogspot.com/